Moba Omereng el Saul el Kirel a Sengk er a Klengar

Ngkmal betok a ungil tekoi el sebeched el meruul e oldeu a rengud le kid el ngar. Mo lmuut me sel bo dechebangel a mondai, me ngdirk ngar ngii a tekoi er a klengar el sebeched loldeu a rengud er ngii. Ngmekera dochotii el kmo kede oba omereng el saul el kirel a sengk er a klengar? E ngera sel kot el klou a ultutelel luchul me kede oba omereng el saul el kirel?

1. Ngera uchul me ngkired loba omereng el saul el kirel a klengar?

Ngkired loba omereng el saul el kirel a klengar le ngsengk el mlara betik a rengul el Demad el Jehovah. Ngika “uchelel a rokui el klengar,” ngmileob a rokui el klengar. (Psalm 36:9) “Ngii a omesterir a re bek el chad a klengar, ma telrir, ma bek el tekoi.” (Rellir 17:25, 28) Jehovah omeskid aike el dousbech me ngsebeched el melemolem el ngar. Ngdirrek el rullii me ngsebeched el oldeu er a rengud er a klengar.​—Monguiu er a Rellir 14:17.

2. Ngmekera dochotii el mora Jehovah el kmo kede oba omereng el saul el kirel a sengk er a klengar?

A Jehovah mlo betik a rengul er kau er sel taem er a bo ledioll er kau a delam. Ngar er a nglunguchel a David el llechukl er a Biblia, e ngdilu er a Jehovah el kmo: “Ke milsekak er uchei er a kmechell.” (Psalm 139:16) A klengar er kau a kmal mekreos er osengel a Jehovah. (Monguiu er a Mateus 10:29-31.) Nguchul a klou el ringel el mo er ngii a lsekum a chad a durengul el nguu a klengar er a ta er a chad, me a lechub e ngdi ngii el nguu a klengar er ngii.a (Exodus 20:13) Ngdirrek el kmal tomellii a rengul a lsekum kede meruul a tekoi el sebechel mo uchul a klengar er kid me a lechub a lsekum ngdiak dekerekikl a klengar er a rebebil. Sel domekerreu er a klengar er kid e dolecholt omengull el kirel a klengar er a rebebil, e kede ochotii el kmo kede oba omereng el saul el kirel tia el mengasireng el sengk er a klengar.

BOM DMOLECH EL MERRITER

3. Em take care er a health er kau

A remla metecholb el Kristiano ousbech er a klengar er tir el rokir el mesiou er a Jehovah. Ngua bla lodersii a klengar er tir el tenget el mora Dios. Monguiu er a Rom 12:1, 2 e mosaod aika el ker:

• Ngera kirel rullau el mo take care er a health er kau?

• Ngera bebil er a rolel e ngsebechem el meruul er tiang?

4. Bom kerekikl er a bek el moruul me lak bo luchul a tellemall me a lechub e ngklengar er a chad

A Biblia mengelechel er kid el mo mengeroid er kid er a kengaol omeruul. Momes er a VIDEO e msuub a bebil el tekoi el sebechem el meruul me molemolem el safe.

VIDEO: Be Safety Conscious (8:34)

Monguiu er a Osisechakl 22:3 e mosaod a rolel e ngsebechem kau me a rebebil el safe sel . . .

• omngar er a blai.

• omngar er a ureor.

• omousekool a sports.

• omomekall me a lechub e ke ngar er a mlai.

5. Mongull er a klengar er a dirkak el mechell el ngalek

A David a silodii el kmo a Jehovah semeriar er a klengar me a okurulel a ngalek el dirk ngar er a diil. Monguiu er a Psalm 139:13-17 e mosaod er tia el ker:

• Ngar osengel a Jehovah, e a klengar er a ngalek ngomuchel sel lemechell me a lechub e ngsel lebo el dioll a chedil?

A llechul a Jehovah el mora rechad er a Israel er a irechar a mle protect er a rechedil me a rengelekir el dirk mlara diil. A Exodus 21:22, 23, NW a kmo: ”A resechal a le kakoad el letemellii a dioll el redil me ngmechellii a ngalek el ngesonges a bilel engdi ngdiak a mad, e ngike el tilemellii a mo obals el oltirakl a bo el dung a bechil ngii el redil, . . . Engdi a lsekum ngmlo er ngii a kodall, e a blsel a mo klengar el kirel a klengar.”

• Ngera mle osengel a Jehovah el kirel a chad el dimlak ledurengul e mekodir a ngalek el dirk ngar er a diil?

• Ngmo uangerang a uldesuel el kirel a chad el durengul el meruul er tiang?b

• Ngera uldesuem el kirel a osengel a Dios el kirel tiang?

Momes er a VIDEO.

VIDEO: Value Life as God Does (5:00)

Mo lmuut er a redil el kmal oba omereng el saul el kirel a klengar me nglocha mo omdasu el kmo a di chimo el option er ngii a mo melecheb er a ngelekel. Monguiu er a Isaia 41:10 e mosaod aika el ker:

• A lsekum a redil a morimel el mo melecheb er a ngelekel, e ngtecha kirel mo er ngii el kirel a ngeso? E ngerang?

SUMMARY

A Biblia olisechakl er kid el mo betik a rengud, mengull, e omekerreu er a klengar el sengk er a Dios. Tia melutk el kirel a klengar er kid me a rechad.

Review

• Ngera uchul me a klengar er a chad a kmal mekreos er osengel a Jehovah?

• Ngua ngera uldesuel a Jehovah el kirel a chad el durengul el nguu a klengar er a ta er a chad? 

• Ngera uchul me koba omereng el saul el kirel a sengk er a klengar?

A LSEBECHEM E MOMES

Ngmekera sebeched lochotii er a Jehovah el kmo ke doba omereng el saul el kirel a sengk er a klengar?

Song 141​—The Miracle of Life (2:41)

Mesa nger er a ker el, A Dios ngmo ousubes er a redil el mla ta lolecheb er a ngelekel?

“What Does the Bible Say About Abortion?” (Suobel el ngar er a Internet)

Mesa el kmo a osengel a Dios el kirel a klengar ngerang ngkirel rullii er a rolel omilil el dolilt.

“‘Extreme Sports’​—Should You Take the Risk?” (Awake!, October 8, 2000)

E mekera chad el ngar ngii er a uldesuel a di ngii el melai er a klengar er ngii? Morriter er a rolel e a Biblia sebechel ngosuir.

“I Want to Die​—Can the Bible Help Me When I Have Suicidal Thoughts?” (Suobel el ngar er a Internet)