A Rekristiano Ngkirel Mo Uangerang Osengir el Kirel a Rrom?

Rechad el meliuekl er a beluulechad el rokir a di kakerous a uldesuir el kirel a rrom. A rebebil a melim sel lebo ledak lobengterir a resechelirir. A rebebil a melilt el diak lolim. A rekuk bebil a melim el mechetelaol er a rrom. Ngera ngdmu Biblia el kirel a rrom?

1. Ngmekngit a dolim a rrom?

A Biblia diak lolekebai omelim el rrom. E ngbai sel lolekoi el kirel aike el lungil tekoi el lomeskid a Dios, e ngmelekoi el kmo “a bilong [a] meruul er [a chad] el mo ungil a rengul.” (Psalm 104:14, 15) A rebebil er a reblak a rengrir sechal me a redil losaod er tir a Biblia a millim.​—1 Timothy 5:23.

2. Ngera el ulekrael a lomeskid a Biblia el kirir tirke el melilt el melim?

A Jehovah ouketui er a melim a rrom el mo imis me a mo cheltelaol. (Galatia 5:21) A Tekingel a kmo: “Lak mobengterir a re chad el sekengim er a mesisiich el ilumel.” (Osisechakl 23:20) Me a dolilt el mo melim el mo lmuut me a lak a chad lomes er kid, e ngdiak el kired el mo imis er omelim el dikea el sebeched lungil omdasu, omtebechel a tekinged me a omerelled, me a lechub e domekerreu er a health er kid. A lsekum e ngdiak el sebeched el mesebech er a omelemed er a rrom, e ngungil bai bo lak dolim.

3. Ngmekera dochotii omengull er kid el kirel a uldesuir a rechad el kirel a rrom?

A derta er kid a di ngii el melilt el kmo ngmelim me a lechub e ngdiak. Ngdiak el kired loukerrekeriil er a chad el melilt el melim el ngar er a ulengeasek el rolel, me a diak el kired lorrimel er a chad el mo melim a lsekum e ngdiak el soal. (Rom 14:10) Ngdiak bo dolim a lsekum e ngmo uchul a mondai el kirir a rebebil. (Monguiu er a Rom 14:21.) ‘Ngdiak domdasu er a di ungil er kid, e ngbai ke domdasu er a ungil er a rebebil er a rechad.’​—Monguiu er a 1 Korinth 10:23, 24.

BOM DMOLECH EL MERRITER

4. Melilt el mo melim me a lechub e ngdiak

Ngmle uangera osengel a Jesus el kirel omelim el rrom? Molatk er sel kot el ongasireng el lerirellii. Monguiu er a Johanes 2:1-11 e mosaod aika el ker:

• Ngua desa er tia el ongasireng, ngmle uangera osengel a Jesus el kirel a rrom me tirke el melim?

• Me a Jesus a dimlak lolekebai er a omelim. Me ngkirel mo uangerang osengel a Kristiano el kirel a chad el melilt el melim?

Me nguaisei el Kristiano a ngar ngii a ilmeklel el melim engdi tia diak lebelkul a kmo ngblechoel di ungil a lolim. Monguiu er a Osisechakl 22:3 e molatk a rolel e aika el tekoi a ngar ngii a lerellii er omelilt er kau el mo melim me a lechub e ngdiak:

• Ke mo omekall me a lechub ke mo operate a mesil.

• Ke dioll.

• Toktang a dmu er kau me ngmo diak molim.

• Meringel er kau a mesebech er a ildisel omolim.

• A llach er a beluu a olekebai omelim el rrom.

• Ke obengkel a chad el melilt el diak lolim le ngmla er ngii a problem er ngii er omelim el rrom er a ngar er a mong.

Ngungil om serve a rrom er a reception er a merengel a chebechiil me a lechub aike el lmuut el bebil er a blekeradel el uai ngii? A lsoam a ngeso el mo medengei el kmo ngngera ungil moruul er ngii, e momes er a VIDEO.

VIDEO: Should I Serve Alcohol? (2:41)

Monguiu er a Rom 13:13 me a 1 Korinth 10:31, 32. Monguiu a derta el bades e moker tia el ker:

• Ngmekera e a omoltaut er tia el omellach e ngosukau el mo melilt el ngar er a rolel e ngodeuir a rengul a Jehovah?

5. Melilt a idisel obo molim

A lsekum e ke melilt el melim e lak mobes er tiang: Alta Jehovah diak lolekebai er omelim el rrom engdi ngouketui a imis lomelim el rrom. E ngerang? Monguiu er a Hosea 4:11, 17, 18 e mosaod er tia el ker:

• A chad sel lolim el mo imis e ngngera sebechel duubech?

Ngera sebechel ngosukid me ngdiak bo el imis omelemed er a rrom? Ngkired el moriou rengud e mo medengei aike el sebeched me a diak el sebeched. Monguiu er a Osisechakl 11:2 e mosaod er tia el ker:

• Ngera uchul me ngungil a moterekeklii a ildisel obo molim?

6. Rolel e a chad a sebechel mo mesisiich er a diak el melemalt el usbechellel a rrom

VIDEO: ‘I Got Fed Up With My Lifestyle’ (6:32)

• Sel momes er a video, e ngmlo uangera blekerdelel a Dmitry sel lolim a rrom?

• Ngika ngdi mle mereched el choitii a rrom?

• Ngera ngilsuir el mo diak el di lolim a rrom?

Monguiu er a 1 Korinth 6:9-11 e mosaod aika el ker:

• Ngua ngera berredel a mo cheltelaol er a rrom?

• Ngera ochotii el kmo a chad el imis er omelim a sebechel mengodech?

Monguiu er a Mateus 18:8 e mosaod er tia el ker:

• Me a mle belkul a tekingel a Jesus er a lousbech er okesiu er omelebes el chim a kmo, nglocha mo ngar ngii a tekoi el kired el mengoit me bo dodeuir a rengul a Jehovah. Ngera sebechem el meruul er ngii a lsekum e ngmeringel er kau a mo mesisiich er a diak el melemalt el usbechellel a rrom?a

Monguiu er a 1 Korinth 15:33 e mosaod er tia el ker:

• Ngera mo duubech a lsekum ke di obengterir a rechad el di melim a rrom el mo imis?

SUMMARY

Jehovah milskid a rrom el kirel a deuil a rengud engdi ngouketui a omelim el rrom el mo imis me a mo cheltelaol.

Review

• Ngera ngmelekoi a Biblia el kirel a rrom?

• Ngera kngtil a omelim el mo imis?

• Ngmekera sebeched lochotii omengull er kid el kirel a omelilt er a rechad el kirel a rrom?

A LSEBECHEM E MOMES

Ngmekera sebechir a rengeasek el meruul a ungil omelilt el kirel a rrom?

Think Past the Drink (2:31)

Momes aike el sebechem el meruul el mo mesisiich er a problem er kau er omelim.

“Becherei a Rrom me Di el Ngar er a Olsechelel” (A Ongkerongel, February 1, 2010)

A Kristiano ngdi ungil a le toast?

“Questions From Readers” (The Watchtower, February 15, 2007)

Mesa er tia el cheldecheduch el “I Was a Bottomless Barrel,” a rolel e a ta el chad a mlo mesisiich er omelemel er a rrom.

“The Bible Changes Lives” (The Watchtower, May 1, 2012)