60 EL SUOBEL
Molemolem el Lolengeriakl
Ngoeak tia el omesubem e ke mla suub a betok el kirel a Jehovah. Aike el bla msuub a mla rullau el kmal mo betik a rengum er ngii me ke locha mla rullii a telbilel a rengum el mo er ngii e metecholb. A lsekum e ngdirkak e ke locha melatk el mo meruul er ngii er a di kmedung. Engdi kid a diak destob lolengeriakl sel demetecholb. Ngsebechem el melemolem lolekeed er kau er a Jehovah el mo cherechar. Ngmekera moruul er tiang?
1. Ngera uchul me ngungil molemolem el melisiich er a deleuill er kau me a Jehovah?
Ngkired el meringel loureor el melisiich er a deleuill er kid me a Jehovah. E ngerang? “Me lak doberius el mo cheroid er ngii.” (Hebru 2:1) Ngera sebechel ngosukid el mo melemolem el mesiou er a Jehovah loba blakerreng? Ngsebeched el melemolem el mechesang el meruul er a ureor er a berkel a klumech e osiik a lmuut el bebil er a rolel e ngsebeched el mui el mesiou er a Dios. (Monguiu er a Filipi 3:16, BT.) A kot lungil klengar a sel dosiou er a Jehovah!—Psalm 84:10.
2. Ngera dirrek el sebechem el meruul?
Me alta tia el omesubem er a Biblia mocha merek, engdi klengar er kau el Kristiano a dirk melemolem. A Biblia melekoi el kmo ngkired el “moubail er ngikel beches el chad.” (Efesus 4:23, 24, BT) Sel molemolem el mesuub er a Tekingel a Dios e ngar er a miting, e ke mo suub a beches el tekoi el kirel a Jehovah me a blekerdelel. Mosiik a rolel e ngsebechem el mo ungil loukerebai a blekerdelel er a klengar er kau. Molemolem el meruul omelodech el mo odeuir a rengul a Jehovah.
3. Ngmekera Jehovah mo ngosukau el melemolem lolengeriakl?
A Biblia kmo: “A Dios . . . a mengerrungel er kemiu, e omtebechel er kemiu, e sisichemiu, e rullemiu el mo diak molmesim.” (1 Petrus 5:10, BT) Kid el rokui a mo chobangel omengesuseu el mora klengit. Engdi Jehovah meskid aike el dousbech el mo otngakl. (Psalm 139:23, 24) Ngtibir el kmo ngmo meskau a urungulem me a klisichem el mesiou er ngii el oba blakerreng.—Monguiu er a Filipi 2:13.
BOM DMOLECH EL MERRITER
Morriter er a rolel e ngsebechem el melemolem el olengeriakl me a rolel e a Jehovah mo omekngeltengat er kau.
4. Molemolem el mengedecheduch e morrenges er ngike el kot lungil el Sechelim
A nglunguuch me a omesubel a Biblia mla ngosukau el mo sechelil a Jehovah. Ngmekera ika el tekoi e ngosukau el lmuut el mo kmeed er ngii?
Monguiu er a Psalm 62:8 e mosaod er tia el ker:
Ngmekera sebechem el remuul a nglunguchem el lmuut el mo ungil me bo lolisiich er a deleuill er kau me a Jehovah?
Monguiu er a Psalm 1:2 e mosaod er tia el ker:
Ngmekera sebechem el lmuut el olengesechekl er a omengiuem er a Biblia me bo lolisiich er a deleuill er kau me a Jehovah?
Ngera sebechem el meruul me mui el ngmai a klungiolem er a omesubem el di kau el tang? A lsoam a bebil el ngeso er a uldasu, e momes er a VIDEO e mosaod aika el ker.
Ngera er aika el ngeso er a uldasu er a video a sebechem el oltaut?
Ngera el topic a soam el mesuub el kirel?
5. Mruul a turrekong er kau er a klereng
Sel lengar ngii a turrekong er kau er a omesiungem el mora Jehovah e ngngosukau el mo olengeriakl. Momes er a VIDEO e mosaod er tia el ker.
Sel momes er a video, e ngmilekera ngosuir a Cameron er a leruul a turrekong er ngii er a klereng?
Ngdiak el rokui el chad a sebechir el melukl el mo omerk er a klumech er a ta er a beluu. Me nguaisei engdi kid el rokui a sebeched el meruul a turrekong el sebeched el ruedem. Monguiu er a Osisechakl 21:5 e molatk a turrekong el sebechem el meruul er a . . .
ongdibel.
berkel a klumech.
Ngmekera omellach er a bades e ngosukau el mo ruedem a turrekong er kau?
Turrekong el sebechem el melatk
Lmuut el mo ungil a nglunguchem.
Chiuii a Biblia el rokir.
Mo medengelterir a rokui el chedal ongdibel er kau.
Mechelii omesubel a Biblia lobengkel a chad.
Mesiou el auxiliary pioneer me a lechub e ng regular pioneer.
A lsekum ke odam e moureor el meringel el mo ta er a ministerial servant.
6. Moldeu er a rengum er a klengar el mo cherechar!
Monguiu er a Psalm 22:26 e mosaod er tia el ker:
Ngera sebechem el meruul er ngii me moldeu a rengum er a klengar er chelechang el mo cherechar?
SUMMARY
Molemolem el melisiich er a deleuill er kau me a Jehovah e mruul a turrekong er kau er a klereng. Seikid e ngmo sebechem loldeu a rengum er a klengar el mo cherechar!
Review
Ngera uchul me ngsebechel mo ulterekokl a rengum el kmo Jehovah mo ngosukau el mesiou er ngii loba blakerreng?
Ngmekera sebechem el smisichii a deleuill er kau me a Jehovah?
Ngmekera turrekong er a klereng e ngosukau lolengeriakl?
A LSEBECHEM E MOMES
Ngera lmuut el klou a ultutelel er a Jehovah, meklou lolechotel a kmo kede meluu er ngii me a lechub e ngblakerreng er a klengar er kid el rokir el mo er ngii?
Mo lmuut er a blak a rengul mesiungel a Jehovah me ngsebechel loridii a deurreng er ngii. Mesa el kmo ngmekera sebechel lmuut el metik er a deurreng.
Ngmekera sebechem el remuul a turrekong er a klereng e ruedem?
“Use Spiritual Goals to Glorify Your Creator” (The Watchtower, July 15, 2004)
Ngera uchul me ngklou a ultutelel el bo deklou el chad er a tekoi er a klereng, e mekera bo deuaisei?