Psalms

125 Selli es in da HAH drauwa,

sinn vi da Berg Zion es nett gmooft sei kann,

un shtayt ayvichlich.

 2 Vi di berga um Jerusalem rumm shtayn,

so shtayt da HAH um sei leit rumm,

funn nau un fa’immah.

 3 Da zeptah funn di gottlohsa

zayld nett ivvah’s land bleiva

es gevva is zu di gerechta,

adda di gerechta mechta iahra hend naus

shtrekka un letz du.

 4 Oh HAH, du goot zu selli es goot sinn,

un zu selli es ufrichtich im hatz sinn.

 5 Avvah selli es vekk drayya uf iahra grummi vayya,

dutt da HAH vekk fiahra mitt di evil-shaffah.

Fridda sei ivvah Israel!