PART 1

Vi Doon Miah Abheicha zu Gott?

Gott shvetzt zu uns deich di Bivvel. 2 Timotheus 3:16

Jehova gebt mennah vass fa in di Bivvel shreiva, funn sei kaynich shtool im himmel

Da voah Gott hott mensha gyoost fa sei gedanka in en special buch du. Sell buch is di Bivvel. Es hott importandi sacha drinn es Gott havva vill es ma vissa doon.

Gott vayst vass besht is fa uns veil awl veisheit, adda wisdom, kumd funn een. Miah kenna aw veisheit greeya vann miah een abheicha.—Shpricha (Proverbs) 1:5.

Di Bivvel in feel shprohcha; en mann layst di Bivvel in sei shprohch

Gott vill havva es alli ebbah uf di eaht di Bivvel layst. Ma kann si nau greeya in feel shprohcha.

Vann miah abheicha vella zu Gott, missa miah di Bivvel laysa un fashtay.

Leit gans ivvah sinn am abheicha. Matthäus 28:19

Ayns funn Jehova Sei Witnesses layst en shrift zu’n mann, no shtoddit di Bivvel mitt een

Jehova Sei Witnesses kenna dich helfa di Bivvel fashtay.

Gans ivvah di veld, doon si leit helfa di voahret lanna veyyich Gott.

En fasamling inna Fasamling Blatz funn Jehova Sei Witnesses

Dess dutt dich nix koshta. Du kansht noch may lanna veyyich Gott an da blatz vo Jehova Sei Witnesses zammah kumma.