PART 3

Vi Voah Layva in da Goahra-Ayden?

Jehova hott da Adam un di Ayfaw alles gevva es si gebraucht henn. 1 Mosi (Genesis) 1:28

Noch es Jehova di Ayfaw gmacht hott, gebt eah see zu da Adam

Es eahsht veibsmensh es Gott gmacht hott voah di Ayfaw, en fraw fa da Adam.—1 Mosi (Genesis) 2:21, 22.

Jehova hott si perfect gmacht in meind un leib, si voahra unni faylah.

Da Adam un di Ayfaw gukka un denka veyyich iahra Paradise haymet

Iahra haymet voah da Goahra-Ayden, en Paradise. Sell voah en oahrichah shaynah blatz mitt en revvah, frucht baym, un animals.

Jehova hott kshvetzt zu si un eah hott si gland. Vann si layva vella fa’immah in di Paradise uf di eaht, missa si abheicha zu een.

Gott hott ksawt fa nett essa funn ayns funn di baym. 1 Mosi (Genesis) 2:16, 17

Da bohm in da goahra es Jehova da Adam un di Ayfaw ksawt hott fa nett essa difunn

Jehova hott da Adam un di Ayfaw ay bohm gvissa im goahra. Eah hott si ksawt fa nett’s frucht essa funn sellah bohm so es si nett shtauva.

Da veesht engel, da Satan, yoost en shlang fa shvetza zu di Ayfaw

Ayns funn di engel is geyyich Gott gedrayt. Sellah veesht engel is da Satan.

Da Satan hott nett havva vella es da Adam un di Ayfaw Jehova heicha. Eah hott en shlang gyoost fa di Ayfaw sawwa vann see di frucht est funn da bohm zayld see nett shtauva un see zayld vadda vi Gott. Avvah sell voah en leek.—1 Mosi (Genesis) 3:1-5.