Vass Doon di Ministerial Servants?

Di Bivvel sawkt funn zvay group mansleit es helfa mitt di responsibilities in di congregation. Jehova Sei Witnesses haysa si “overseers” un “ministerial servants.” (Philipper 1:1 NWT ) ’S mensht zeit sinn’s edlichi breedah vi sell es helfa in alli congregation. Vass doon ministerial servants fa uns?

Si helfa di elders. Di ministerial servants sinn spiritual-minded, dependable un si gevva iahra besht. Dayl sinn yung un dayl sinn eldah. Si helfa mitt importandi sacha es gedu sei missa in di congregation fa alles organized halda. Dess helft so’s di elders iahra zeit yoosa kenna fa teetsha un acht gevva uf di congregation.

Si gevva hilf vo’s gebraucht is. Dayl ministerial servants sinn kfrohkt fa alli-ebbah greeda es zu di fasamling kumd un si welcome shpiahra macha. Anri mechta helfa mitt da sound system, di publications, congregation accounts, un macha es selli in di congregation en territory henn fa shaffa drinn. Si helfa acht gevva uf da Fasamling Blatz. Di elders mechta si frohwa fa selli in di congregation helfa es eldah sinn. Alli-ebbah hott feel respekt fa di ministerial servants koss si sinn willing fa du vass evvah es si gevva sinn fa du.​—1 Timotheus 3:13.

Si sinn en goodah example funn Christian mansleit. Ministerial servants sinn getshoost koss funn iahra goodi spiritual qualities. Si doon uns ufbauwa vann si parts henn in di fasamlinga. Bei en lead nemma in di ministry dutt’s uns helfa may zeal havva. Koss es si goot koahberayda mitt di elders, helft’s es miah joy un unity henn. (Epheser 4:16) Mitt zeit mechta si aw qualified sei fa’n elder sei.

• Vass fa mansleit sinn di ministerial servants?

• Vi doon ministerial servants di congregation helfa?