SONG 10
Praise Jehova Unsah Gott!
1. Sing en praise zu Jehova Gott!
Sawk sei nohma nau zu di leit!
Warn si awl, koss da dawk is nayksht,
helf si awl da warning heahra heit.
Jehova hott ksawt di zeit is nau do,
koss da rool funn sei Sohn kshteaht hott.
Loss leit vissa vass awl di blessings sinn
es ma glei sayna zayld funn Gott!
(CHORUS)
Sing en praise zu Jehova Gott!
Sawk di leit veyyich alles es eah dutt!
2. Sing en praise! Sing zu unsah Gott!
Praise sei nohma do uf di eaht!
Sing funn’s hatz mitt deah haebbi song.
Sing so laut es alli-ebbah’s heaht.
Grohs is unsah Gott un mitt so feel graft,
eah is doch immah goot zu uns.
Goot-maynich is Gott, eah gebt vass ma brauch,
koss eah heaht vann ma roofa doon.
(CHORUS)
Sing en praise zu Jehova Gott!
Sawk di leit veyyich alles es eah dutt!
(Gukket aw Psalm 89:27; 105:1; Jeremia 33:11.)