BIBLIOTEKE YA MU INTERNET
Biblioteke
YA MU INTERNET
Kipende
  • BIBLIA
  • MIKANDA
  • GUDIBUNGISA
  • 2 Mafumu 23
  • Biblia Gubalumuna gua Mavu Ahe-ahe

Gushigo nga video mukunda nu paragrafe nga verse watombi.

Gudi nu erreur yakalegewa mu tangua dia gutanga video eyi.

Ndaga Jidi mu Mukanda wa 2 Mafumu

      • Yoziase walonda luko ndaga (1-20)

      • Akalagala Wano wa Pake (21-23)

      • Walonda luko ndaga jiko (24-27)

      • Gufua gua Yoziase (28-30)

      • Yoahaza wabua fumu wa gu Yuda (31-33)

      • Yoyakime wabua fumu wa gu Yuda (34-37)

2 Mafumu 23:3

Mbimbi goshi'a diyiji

  • *

    Nga “wakotele luko gikotelo.”

  • *

    Tala Ukoteleshi wa Mbimbi (Monyo).

2 Mafumu 23:4

Mbimbi goshi'a diyiji

  • *

    Tala Ukoteleshi wa Mbimbi (Mutshi wa gijila).

2 Mafumu 23:6

Mbimbi goshi'a diyiji

  • *

    Tala Ukoteleshi wa Mbimbi (Mutshi wa gijila).

2 Mafumu 23:7

Mbimbi goshi'a diyiji

  • *

    Tala Ukoteleshi wa Mbimbi (Mutshi wa gijila).

2 Mafumu 23:10

Mbimbi goshi'a diyiji

  • *

    Tala Ukoteleshi wa Mbimbi (Gehena).

2 Mafumu 23:11

Mbimbi goshi'a diyiji

  • *

    Nga “fundo akhalele muya mudia.”

2 Mafumu 23:13

Mbimbi goshi'a diyiji

  • *

    Mu Hebelu: “gu koko dia madia.” Yakotelesa egi gu khanda ya sud gula muthu udi mutala gu khanda ya mazogelo a kumbi.

  • *

    Yakotelesa egi Mulundu wa Mitshi ya Olive, songi ya gu khanda ya sud yakhalele mutamegewa nji egi Mulundu wa Masumu.

2 Mafumu 23:14

Mbimbi goshi'a diyiji

  • *

    Tala Ukoteleshi wa Mbimbi (Mutshi wa gijila).

2 Mafumu 23:15

Mbimbi goshi'a diyiji

  • *

    Nga “fundo dia gosa.” Tala Ukoteleshi wa Mbimbi (Mafundo a Gukombelela).

  • *

    Tala Ukoteleshi wa Mbimbi (Mutshi wa gijila).

2 Mafumu 23:24

Mbimbi goshi'a diyiji

  • *

    Nga “nzambi jia mu fami; isongo.”

  • *

    Mbimbi ya Hebelu adi muzuelela haha, yajiya gukhala luholo lumoshi nu mbimbi “tuji tua shitu.” Idi mbimbi ana kalegela ha guzuelela gima gia usala.

2 Mafumu 23:25

Mbimbi goshi'a diyiji

  • *

    Tala Ukoteleshi wa Mbimbi (Monyo).

2 Mafumu 23:33

Mbimbi goshi'a diyiji

  • *

    Talanta imoshi yakhalele bakilo 34,2. Tala App. B14.

  • Biblia Gubalumuna gua Mavu Ahe-ahe
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19
  • 20
  • 21
  • 22
  • 23
  • 24
  • 25
  • 26
  • 27
  • 28
  • 29
  • 30
  • 31
  • 32
  • 33
  • 34
  • 35
  • 36
  • 37
Biblia Gubalumuna gua Mavu Ahe-ahe
2 Mafumu 23:1-37

Mukanda wa Mbadi wa Mafumu

23 Fumu watamegele akulu agasue a gu Yuda nu a gu Yelusalema. 2 Gungima fumu wakandugile gu inzo ya Yehowa nu mala agasue a gu Yuda nu athu agasue a gu Yelusalema nu nganga-nzambi nu baprofete, yakotelesa egi athu agasue ikhale athu azonda nga athu akoma. Muene waatangele ndaga jiagasue jiakhalele mu mukanda wa gikotelo unu amonele mu inzo ya Yehowa. 3 Fumu wamaganele hehi nu kunji, wakotele gikotelo* gutuama dia Yehowa egi mbawutumagela Yehowa, mbawunemesa mikhuala yenji nu malongo enji nu mutshima wenji wagasue nu monyo* wenji wagasue, mbawutumagela nji mbimbi jia gikotelo jidi jia gusonega mu mukanda owu. Athu agasue atshiginyile gikotelo giene.

4 Fumu wawambelele nganga-nzambi wakoma Hilikiya nu nganga-nzambi jiko nu athu akhalele mubamba mifulo ha guzola ikadigilo yagasue yalondewe mukunda nu Bale nu mukunda nu mutshi wa gijila* nu mukunda nu themua jiagasue nu ima iko ya mu dilu inyi yakhalele mu tempelo ya Yehowa. Gungima wayikondele gonze ya Yelusalema mu mahia a mu baba dia Kidelona, wabatele fuphi ya ima yene gu Betele. 5 Wakatudile nganga-nzambi jia nzambi jia ifutshi iko jinyi mafumu a gu Yuda atombele ha gukhala muwetshia milambu ha gukanduisa mishi mu mafundo a gukombelela akhalele mu membo a Yuda nu mu membo akhalele hehi nu Yelusalema. Wakatudile nji athu akhalele muwetshia milambu mukunda nu Bale nu mukunda nu tangua nu mbeji nu mukunda nu mahunji a themua jia zodiake nu themua jiko jiagasue jia mu dilu. 6 Wazolele mutshi wa gijila* mu inzo ya Yehowa, wawubatele mu khulo ya Yelusalema mu baba dia Kidelona, wawukondele mu baba diene, wawubuishile fuphi, wamuangele fuphi yene holu dia malumba akhalele mufunda athu agasue. 7 Wamuangele nji mafundo akhalele mukhala mala akhalele mukalagala uthambi mu tempelo; mafundo ene akhalele mu inzo ya Yehowa, fundo akhetu akhalele mutunga matenta mukunda nu mutshi wa gijila.*

8 Gungima wazolele nganga-nzambi jiagasue mu membo a gu Yuda, wabolesele mafundo a gukombelela anyi nganga-nzambi jiakhalele muwotshia milambu ha gukanduisa mishi sendese gu Geba uu nu gu Belesheba. Wamuangele nji mafundo a gukombelela akhalele ha manginyilo a mufulo wa Yoshua fumu wa dimbo. Mafundo ene akhalele gu koko dia mahidi ha manginyilo a mufulo wa dimbo. 9 Nganga-nzambi jia mu mafundo a gukombelela jiakhalelego mukalagala mudimo gu giwotshielo gia Yehowa giakhalele gu Yelusalema, uvi akhalele gawo mudia mapha ashigo nu levire nu aphangi awo. 10 Wabolesele nji Tofeta, fundo dia gukombelela diakhalele mu baba dia ana a Hinoma,* hagula nga muthu mumoshi gawetshigo mun’enji wa yala nga wa mukhetu ha tshuya mukunda nu Moleke. 11 Watunyishile egi tubalu tunu mafumu a gu Yuda ahanele mukunda nu gikombelelo gia kumbi, tushigo naye gubalegela mu sugu* ya Natana-Meleke, munu wakhalele mukalagala mudimo mu inzo ya fumu, ha gungina mu inzo ya Yehowa. Sugu yenji yakhalele hehi nu mbalanda; wakondele nji phusu-phusu jialondewe ha gukombelela tangua. 12 Fumu wamuangele nji iwotshielo yatungile mafumu a gu Yuda holu dia yangi dia sugu ya gosa ya Ahaza, nu iwotshielo inyi Manase walondele mu ibanzala mbadi ya inzo ya Yehowa. Wayimuangele, yabuile fuphi, gungima wamuangele fuphi yene mu baba dia Kidelona. 13 Fumu wabolesele mafundo a gukombelela akhalele ha sambua dia Yelusalema gu khanda ya sud* ya Mulundu wa Gubolesa,* mafundo anyi Salomo fumu wa gu Isalele watungile mukunda nu Ashitolete, nzambi ya usala ya enya Sidona nu mukunda nu Kemoshe, nzambi ya usala ya enya Moaba nu mukunda nu Milekome, nzambi wa majilo wa enya Amona. 14 Waboguele makunji a gijila itshinyi-itshinyi, wakokele mitshi ya gijila,* wazalesele ifuwa ya athu mu mafundo ene. 15 Wamuangele nji giwotshielo giakhalele gu Betele nu fundo dia gukombelela* diatungile Yeloboama mun’a Nebate, dinyi diatumile enya Isalele ha gukalagala gubola. Gungima dia gumuanga giwotshielo nu fundo dia gukombelela, wakondele fundo diene dia gukombelela, wadibuishile fuphi, wawetshiele nji mutshi wa gijila.*

16 Tangua Yoziase wabalumugile, wamonele malumba holu dia mulundu, wawambelele athu ha guya muzula ifuwa mu malumba ene ha guyikonda ha giwotshielo hagula athu akombelelago luko hene, gifua luholo Yehowa wazuelele mu njila ya muthu wa Nzambi wa giamatshidia, munu wadiangele guzuela egi ndaga eji mbajikalegewa. 17 Gungima wahudile egi: “Anyi malumba a nanyi?” Athu a mu dimbo diene amuwambelele egi: “ Malumba a muthu wa Nzambi wa giamatshidia wa gu Yuda, munu wadiangele guzuela ndaga eji wakalagala giwotshielo gia gu Betele.” 18 Muene waawambelele egi: “Nga muthu gakuatshigo ifuwa yenji. Ibembenu fundo idi.” Hene, akuatelego ifuwa yenji nu ifuwa ya profete munu wakatugile gu Samaliya.

19 Yoziase wakatudile nji jinzo jiagasue jiakhalele mu mafundo a gukombelela mu membo a gu Samaliya, jinyi mafumu a gu Isalele atungile ha guhana Nzambi khabu. Wakalegele gifua luholo luatshitshile muene ha fundo dia gukombelela dia gu Betele. 20 Washiyile nganga-nzambi jiagasue jia mu mafundo a gukombelela jinyi jiakhalele hene, holu dia giwotshielo, wakondele ifuwa ya athu holu diawo. Gungima wavutugile gu Yelusalema.

21 Fumu wawambelele athu agasue egi: “Tshitenu wano wa Pake mukunda nu Yehowa Nzambi wenu gifua luholo idi ya gusonega mu mukanda owu wa gikotelo.” 22 Khenji atshitshile galego wano wa luholo elu sendese mu masugu mazunji akhalele musophesa Isalele nga mu masugu agasue a mafumu a gu Isalele nu mafumu a gu Yuda. 23 Uvi wano wa Pake wa luholo elu mukunda nu Yehowa wakalegewe gu Yelusalema mu givo gia 18 gia uhinyinyi wa Fumu Yoziase.

24 Yoziase wakatudile nji nganga-ngombo nu athu ana zuela ndaga mbajibua gu matuama nu isongo ya telafime* nu isongo ya usala* nu ima yagasue ya usala yakhalele mu mavu a Yuda nu gu Yelusalema, ha gutumagela mbimbi jia mukhuala wakhalele wagusonega mu mukanda unu nganga-nzambi Hilikiya wamonele mu inzo ya Yehowa. 25 Guakhalelego nga nu fumu mumoshi gutuama dienji gifua muene wavutugile gudi Yehowa nu wamukalegele nu mutshima wenji wagasue nu monyo* wenji wagasue nu ngolo jienji jiagasue mu gudivua nu Mikhuala ya Moize. Gungima dienji guakhalelego nji nu muthu muko gifua muene.

26 Yehowa gabembelego khabu jiakola jiavuidile muene enya Yuda mukunda nu ndaga jiagasue jiabola jiakalegele Manase ha gumuhana khabu. 27 Yehowa wazuelele egi: “Mbangukatula Yuda gu meso ami gifua luholo ngakatudile Isalele. Mbangutuna Yelusalema, dimbo edi ngatombele nu inzo ngazuelele egi: ‘Jina diami mbadilandula gukhala guene.’”

28 Ndaga jiko jiakalegele Yoziase nu ima yagasue yatshitshile muene, idi ya gusonega mu mukanda wa mene jia mafumu a gu Yuda. 29 Hakhalele Yoziase fumu, Farao Neko, fumu wa gu Ejipitu, wayile ha gudimona nu fumu wa gu Asiliya hehi nu Muta wa Efrata, Fumu Yoziase wayile gumuluisa. Uvi tangua Neko wamumonele, wamushiyile gu Megido. 30 Enya mudimo enji ambile kimbi gienji mu phusu-phusu, akatugile nagio gu Megido, amubatele gu Yelusalema, amufundjile mu malumba enji. Gungima athu a mu gifutshi azudile Yoahaza mun’a Yoziase, amumbile maji, amubuishile fumu ha fundo dia sh’enji.

31 Yoahaza wakhalele nu ivo 23 habuile muene fumu, wahinyine mbeji thathu gu Yelusalema. Jina dia gin’enji diakhelele Hamutala mun’a Yelemiya wa gu Libena. 32 Wasendesele gutshita ndaga jiabola gu meso a Yehowa gifua muatshitshile akhakh’enji. 33 Farao Neko wamumbile mu bologo gu Libela mu mavu a Hamate hagula gahinyinago gu Yelusalema. Watogele enya Yuda ha gumufuta gibawu gia utadi wa siliva batalanta* 100 nu wolo talanta imoshi. 34 Farao Neko wazudile nji Eliyakime mun’a Yoziase, wamubuishile fumu ha fundo dia sh’enji Yoziase; wamusombegesele jina egi Yoyakime. Uvi wazudile Yoahaza, wayile n’enji gu Ejipitu, guene gafuidile. 35 Yoyakime wahanele Farao utadi wa siliva nu wolo, uvi watogele enya Yuda gitadi ha guheta utadi wa siliva watogele Farao. Watogele athu gu ngolo ha guhana utadi wa siliva nu wolo, muthu wagasue wakhalele muhana guvula gua utadi wa siliva nu wolo watogele muene; gungima wawuhanele gudi Farao Neko.

36 Yoyakime wakhalele nu ivo 25 habuile muene fumu, wahinyine ivo 11 gu Yelusalema. Jina dia gin’enji diakhalele Zebida mun’a Phedaya wa gu Ruma. 37 Wakhalele mutshita ndaga jiabola gu meso a Yehowa gifua muatshitshile akhakh’enji.

Mikanda ya Kipende (2000-2025)
Zoga
Ngina
  • Kipende
  • tumina muthu muko
  • Tomba ndaga jia luholo nu luholo
  • Copyright © 2025 Watch Tower Bible and Tract Society of Pennsylvania
  • Luholo lua Gukalegela Site Yetu
  • Gunemesa Ndaga jia Athu Ako
  • Paramètres de confidentialité
  • JW.ORG
  • Ngina
tumina muthu muko