BIBLIOTEKE YA MU INTERNET
Biblioteke
YA MU INTERNET
Kipende
  • BIBLIA
  • MIKANDA
  • GUDIBUNGISA
  • 2 Mafumu 7
  • Biblia Gubalumuna gua Mavu Ahe-ahe

Gushigo nga video mukunda nu paragrafe nga verse watombi.

Gudi nu erreur yakalegewa mu tangua dia gutanga video eyi.

Ndaga Jidi mu Mukanda wa 2 Mafumu

      • Elisha wazuela gutuama egi nzala mbayihua (1, 2)

      • Asanga ima ya gudia enya Siliya abembi mu phundo (3-15)

      • Profesi ya Elisha yatagenesewa (16-20)

2 Mafumu 7:1

Mbimbi goshi'a diyiji

  • *

    Nga “mazando.”

  • *

    Sea imoshi yakhalele balitre 7,33. Tala App. B14.

  • *

    Shekele imoshi yakhalele bagrame 11,4. Tala App. B14.

2 Mafumu 7:2

Mbimbi goshi'a diyiji

  • *

    Mu Hebelu: “mbimbi eyi.”

2 Mafumu 7:13

Mbimbi goshi'a diyiji

  • *

    Yakotelesa egi enya Isalele akhalele gu Samaliya.

  • Biblia Gubalumuna gua Mavu Ahe-ahe
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19
  • 20
Biblia Gubalumuna gua Mavu Ahe-ahe
2 Mafumu 7:1-20

Mukanda wa Mbadi wa Mafumu

7 Gungima Elisha wazuelele egi: “Tegelelenu mbimbi ya Yehowa. Yehowa wazuela egi: ‘Hamene mu tangua edi, ha mufulo* wa dimbo dia Samaliya sea* imoshi ya phupha iladiege-diege mbayidigiwa mu shekele* imoshi, sea mbadi jia orje mbajidigiwa nji mu shekele imoshi.’” 2 Suta munu fumu wakhalele mushila mutshima, wawambelele muthu wa Nzambi wa giamatshidia egi: “Ikhale Yehowa wakangula dilu ha gutunogesela mbuto, luholo lutshi ndaga yene* yajiya gukalegewa?” Hene Elisha wamuvutudile egi: “Mbawumona ndaga yene nu meso aye, uvi mbawushigo mudia ima yene.”

3 Guakhalele nu enya hute nguana ha mufulo wa dimbo. Azuelele mukatshi diawo egi: “Itshi tufuila haha? 4 Gula tuangina mu dimbo, mbatudi mufua handaga nzala idi guene. Gula tuasala nji haha, mbatudi nji mufua. Henyaha tuyenu mu phundo ya enya Siliya. Gula atubemba nu monyo, mbatukhala nu monyo; uvi gula atushiya, mbatudi mufua.” 5 Akatugile mu ngueze, guma guakhalele guabuitshi gale, ayile mu phundo ya enya Siliya. Tangua ahetele hehi nu phundo ya enya Siliya, amonelego nga muthu guene.

6 Yehowa wavuishile enya Siliya anyi akhalele mu phundo matululu a phusu-phusu jia ita nu tubalu, nu a masuta avula. Hene azuelele mukatshi diawo egi: “Tegelelenu! Fumu wa gu Isalele watamega mafumu a enya Hete nu mafumu a gu Ejipitu ha guza gutuluisa!” 7 Akatugile mbala imoshi, alengele mu ngueze hakhalele guma guabuitshi gale. Abembele tenta jiawo nu tubalu nu phunda, abembele phundo yawo gifua luholo yakhalele, alengele ha guhuluisa mionyo yawo.

8 Tangua enya hute asuenele hehi nu phundo, anginyile mu tenta imoshi, asendesele gudia nu gunua. Azudile utadi wa siliva nu wolo nu milele yakhalele muene, ayile guyisuega. Gungima avutugile, anginyile mu tenta iko, azudile ima yakhalele muene, ayile nji guyisuega.

9 Gu gisugishilo, azuelele egi: “Ndaga tudi mutshita ishigo yabonga. Tudi naye guwambela athu ako lumene elu luabonga! Gula tuanengena uu nu mu gimenegena, mbatuhanewa ndola. Tuyenu luenyelu ha guwambela enya inzo ya fumu lumene elu.” 10 Hene ayile, atamegele athu akhalele mubamba mufulo wa dimbo, a awambelele egi: “Tuayi mu phundo ya enya Siliya, uvi gushigo nga nu muthu guene. Tuavuilego nga dijui dia muthu. Tuamonyi phamba tubalu nu phunda jia gujitshiga, tenta jiawo jiji genji gifua luholo jiakhalele.” 11 Athu akhalele mubamba mufulo azuelele mbala imoshi mu dijui diakola ha guwambela athu a mu inzo ya fumu ndaga yene.

12 Fumu wazugile mbala imoshi mu phipha, wawambelele enya mudimo enji egi: “Maganenu ngumiwambele ndaga yatutshita enya Siliya. Adi mujiya egi tudi nu nzala, hene abemba phundo yawo, aya gudisuega mu temu. Adi mutangiza egi: ‘Enya Isalele mbaazoga mu dimbo. Esue mbatuakuata nu monyo, gungima mbatungina mu dimbo.’” 13 Gungima muenya mudimo wenji mumoshi wazuelele egi: “Ngabuba fumu, tuma athu azule tubalu thano mukatshi dia tubalu tuasadi mu dimbo, aye atale phundo yene. Handaga gula aya, mbaadimufua, gula asala nji haha nu esue* mbaadimufua. Mbaafua gifua enya Isalele anyi afui gale. Gualeha ndo mukut’etu agasue tudi mufua.” 14 Hene azudile phusu-phusu mbadi nu tubalu. Fumu waatumile mu phundo ya enya Siliya, waawambelele egi: “Ndenu mutale.” 15 Alanduile enya Siliya mu njila ayidile uu nu gu Yordane. Njila yagasue yakhalele yaguzala nu milele nu ima yakhalele mubishila enya Siliya tangua akhalele mulenga nu woma. Athu ene avutugile, awambelele fumu ndaga amonele.

16 Gungima athu azogele, atutshile ima yakhalele mu phundo ya enya Siliya. Hene, asendesele gudiga sea imoshi ya phupha iladiege-diege mu shekele imoshi, sea mbadi jia orje jiakhalele mudigiwa nji mu shekele imoshi, gifua muazuelele Yehowa. 17 Fumu wahagele suta diakhalele muene mushila mutshima ha gubamba mufulo. Uvi athu amudiatele, wafuile ha mufulo wa dimbo gifua luholo muthu wa Nzambi wa giamatshidia wawambelele fumu tangua diayile fumu gumbo dienji. 18 Ndaga yene yakalegewe gifua luholo muthu wa Nzambi wa giamatshidia wawambelele fumu egi: “Hamene mu tangua edi, ha mufulo wa dimbo dia Samaliya sea imoshi ya phupha iladiege-diege mbayidigiwa mu shekele imoshi, sea mbadi jia orje mbajidigiwa nji mu shekele imoshi.” 19 Uvi suta munu fumu wakhalele mushila mutshima wawambelele muthu wa Nzambi wa giamatshidia egi: “Ikhale Yehowa wakangula dilu ha gutunogesela mbuto, luholo lutshi ndaga yene yajiya gukalegewa?” Hene Elisha wamuvutudile egi: “Mbawumona ndaga yene nu meso aye, uvi mbawushigo mudia ima yene.” 20 Ndaga jiamubuidile diago ngenyi, handaga athu amudiatele, wafuile ha mufulo wa dimbo.

Mikanda ya Kipende (2000-2025)
Zoga
Ngina
  • Kipende
  • tumina muthu muko
  • Tomba ndaga jia luholo nu luholo
  • Copyright © 2025 Watch Tower Bible and Tract Society of Pennsylvania
  • Luholo lua Gukalegela Site Yetu
  • Gunemesa Ndaga jia Athu Ako
  • Paramètres de confidentialité
  • JW.ORG
  • Ngina
tumina muthu muko