BIBLIOTEKE YA MU INTERNET
Biblioteke
YA MU INTERNET
Kipende
  • BIBLIA
  • MIKANDA
  • GUDIBUNGISA
  • 2 Mafumu 24
  • Biblia Gubalumuna gua Mavu Ahe-ahe

Gushigo nga video mukunda nu paragrafe nga verse watombi.

Gudi nu erreur yakalegewa mu tangua dia gutanga video eyi.

Ndaga Jidi mu Mukanda wa 2 Mafumu

      • Gulumbuga nu gufua gua Yoyakime (1-7)

      • Yoyakine wabua fumu wa gu Yuda (8, 9)

      • Enya Yuda aya mu uhiga gu Babilona mbala ya thomo (10-17)

      • Sedesiase wabua fumu wa gu Yuda; gulumbuga guenji (18-20)

2 Mafumu 24:7

Mbimbi goshi'a diyiji

  • *

    Tala Ukoteleshi wa Mbimbi (Baba).

2 Mafumu 24:14

Mbimbi goshi'a diyiji

  • *

    Nga ndo yajiya gukhala egi: “athu akhalele mutunga tumilundu mu khulo ya ibayi.”

2 Mafumu 24:16

Mbimbi goshi'a diyiji

  • *

    Nga ndo yajiya gukhala egi: “athu akhalele mutunga tumilundu mu khulo ya ibayi.”

  • Biblia Gubalumuna gua Mavu Ahe-ahe
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19
  • 20
Biblia Gubalumuna gua Mavu Ahe-ahe
2 Mafumu 24:1-20

Mukanda wa Mbadi wa Mafumu

24 Hakhalele Yoyakime fumu, Nebukadenezale fumu wa gu Babilona wajile gumuluisa, Yoyakime wabuile muenya mudimo wenji ivo thathu. Uvi gungima Yoyakime wamulumbugile. 2 Yehowa wasendesele gumutumila mahunji a nzangi jia enya Kaldea nu jia enya Siliya nu jia enya Moaba nu jia enya Amona. Yehowa wakhalele guatuma gu Yuda ha gushiya mavu ene, gifua muazuelele muene mu njila ya enya mudimo enji baprofete. 3 Yehowa watshiginyile egi ndaga jiene jibuile enya Yuda ha guakatula gu meso enji mukunda nu gubola guagasue guakalegele Manase, 4 nu mukunda nu mahatshi amuangele muene a athu atshitshilego gubola; handaga wazalesele Yelusalema nu mahatshi a athu atshitshilego gubola. Yehowa watunyile gutotesela enya Yuda.

5 Ndaga jiko jiakalegele Yoyakime nu ima yagasue yatshitshile muene, idi ya gusonega mu mukanda wa mene jia mafumu a gu Yuda. 6 Gungima Yoyakime wafuile gifua muafuile akhakh’enji; mun’enji Yoyakine wabuile fumu ha fundo dienji.

7 Fumu wa gu Ejipitu gaphagelego luko muzoga mu gifutshi gienji handaga fumu wa gu Babilona watambuile mavu enji agasue, sendese gu Baba* dia gu Ejipitu uu nu gu Muta wa Efrata.

8 Yoyakine wakhalele nu ivo 18 habuile muene fumu, wahinyine mbeji thathu gu Yelusalema. Jina dia gin’enji diakhalele Nehusheta mun’a Elenatana wa gu Yelusalema. 9 Wakhalele mutshita ndaga jiabola gu meso a Yehowa gifua muatshitshile sh’enji. 10 Mu tangua diene, masuta a Nebukadenezale Fumu wa gu Babilona ajile muluisa Yelusalema, ajietele dimbo. 11 Tangua masuta ene akhalele mujieta dimbo, Nebukadenezale fumu wa gu Babilona wajile guene.

12 Fumu Yoyakine wa gu Yuda wadihanele gudi fumu wa gu Babilona nu gin’enji nu enya mudimo enji nu manene enji nu athu akhalele mutshita mudimo mu inzo yenji. Fumu wa gu Babilona waabatele mu uhiga mu givo gia 8 gia uhinyinyi wenji. 13 Gungima wazudile umonyi wagasue wakhalele mu inzo ya Yehowa nu mu inzo ya fumu, wayile nawo. Ikadigilo yagasue ya wolo inyi fumu Salomo wa gu Isalele walondele mu tempelo ya Yehowa, wayibatuile itshinyi-itshinyi gifua luholo Yehowa wadiangele guzuela. 14 Wayile nu enya gu Yelusalema agasue mu uhiga, nu manene agasue nu masuta agasue a ngolo nu athu agasue akhalele mutshita midimo ya mago nu mbembo.* Wabatele athu 10 000 mu uhiga. Wabembele phamba athu akhalele diago phutu mu gifutshi. 15 Wayile nu Yoyakine mu uhiga gu Babilona; wayile nji nu gin’a fumu nu akaji’a fumu nu athu akhalele mutshita mudimo mu inzo ya fumu nu athu a ndando a mu gifutshi. Wakatugile nawo gu Yelusalema, wayile nawo mu uhiga gu Babilona. 16 Fumu wa gu Babilona wazudile nji masuta agasue 7 000 nu athu 1 000 akhalele mutshita midimo ya mago nu mbembo.* Wayile nawo mu uhiga gu Babilona. Mukut’awo agasue akhalele mala a ngolo alongugile gulua ita. 17 Fumu wa gu Babilona wazudile Matania, sh’a Yoyakine wa galenge, wamubuishile fumu ha fundo dienji. Wasombegesele jina dienji egi Sedesiase.

18 Sedesiase wakhalele nu ivo 21 habuile muene fumu, wahinyine ivo 11 gu Yelusalema. Jina dia gin’enji diakhalele Hamutala mun’a Yelemiya wa gu Libena. 19 Wakhalele mutshita ndaga jiabola gu meso a Yehowa gifua jinyi jiatshitshile Yoyakime. 20 Ndaga eji jiagasue jiabuidile enya gu Yelusalema nu enya gu Yuda handaga Yehowa waavuidile khabu, gungima waakatudile gu meso enji. Sedesiase walumbugidile fumu wa gu Babilona.

Mikanda ya Kipende (2000-2025)
Zoga
Ngina
  • Kipende
  • tumina muthu muko
  • Tomba ndaga jia luholo nu luholo
  • Copyright © 2025 Watch Tower Bible and Tract Society of Pennsylvania
  • Luholo lua Gukalegela Site Yetu
  • Gunemesa Ndaga jia Athu Ako
  • Paramètres de confidentialité
  • JW.ORG
  • Ngina
tumina muthu muko