Mukanda wa Thomo wa Gudilanduluila

6 Ana a Levi akhalele: Geleshona, Kehate nu Melali. 2 Ana a Kehate akhalele: Amerame, Yisehale, Hebrone nu Uziele. 3 Ana* a Amerame enyawa: Alona, Moize nu Miriame. Ana a Alona akhalele: Nadabe, Abihu, Eleazale nu Itamale. 4 Eleazale wavualele Fineyase; Fineyase wavualele Abishua. 5 Abishua wavualele Buki; Buki wavualele Uzi. 6 Uzi wavualele Zelaya; Zelaya wavualele Melayota. 7 Melayota wavualele Amaliya; Amaliya wavualele Ahituba. 8 Ahituba wavualele Zadoke; Zadoke wavualele Ahimase. 9 Ahimase wavualele Azariya; Azariya wavualele Yohanana. 10 Yohanana wavualele Azariya. Wakhalele nganga-nzambi gu tempelo yatungile Salomo gu Yelusalema.

11 Azariya wavualele Amaliya; Amaliya wavualele Ahituba. 12 Ahituba wavualele Zadoke; Zadoke wavualele Shaluma. 13 Shaluma wavualele Hilikiya, Hilikiya wavualele Azariya; 14 Azariya wavualele Selaya; Selaya wavualele Yosadake. 15 Yosadake wayile mu uhiga tangua Yehowa wahanele enya Yuda nu Yelusalema ha mago a Nebukadenezale ha guya nawo mu uhiga.

16 Ana a Levi akhalele: Gershome,* Kehate nu Melali. 17 Majina a ana a Gershome enyawa: Libeni nu Shimeyi. 18 Ana a Kehate akhalele: Amerame, Yisehale, Hebrone nu Uziele. 19 Ana a Melali akhalele: Mali nu Mushi.

Fami jia enya Levi gifua muakhalele akhakh’awo jienyeji: 20 Gershome wavualele Libeni, Libeni wavualele Yahata, Yahata wavualele Zima, 21 Zima wavualele Yoa, Yoa wavualele Ido, Ido wavualele Zela, Zela wavualele Yatelayi. 22 Ana* a Kehate akhalele: Aminadaba, Aminadaba wavualele Kora; ana a Kora akhalele: Asile, 23 Elkana nu Ebiasafe. Ebiasafe wavualele Asile; 24 Asile wavualele Tahata, Tahata wavualele Uliele, Uliele wavualele Oziase, Oziase wavualele Shaula. 25 Ana a Elkana akhalele: Amasayi nu Ahimote. 26 Ana a Elkana* akhalele: Sofayi; Sofayi wavualele Nahate; 27 Nahate wavualele Eliyabe, Eliyabe wavualele Yelohama, Yelohama wavualele Elkana. 28 Ana a Samuele enyawa: mun’enji wa somi Yowele, mun’enji wa mbadi Abiya. 29 Ana* a Melali enyawa: Mali; Mali wavualele Libeni, Libeni wavualele Shimeyi, Shimeyi wavualele Uza; 30 Uza wavualele Shimea, Shimea wavualele Hagiya, Hagiya wavualele Asaya.

31 Wawa athu Davidi watombele ha gutuameza ngimbo mu inzo ya Yehowa tangua ahagele Mushete wa Gikotelo muene. 32 Akhalele atuameji a ngimbo gu tabernakle, yakotelesa egi tenta ya gudibungishila, uu nu tangua Salomo watungile inzo ya Yehowa gu Yelusalema. Akhalele mutshita mudimo wawo gifua luholo a awambelele. 33 Wawa majina a athu akhalele mutshita mudimo nu an’awo: Mukatshi dia ajigulu a Kehate, ngimba Hemane mun’a Yowele, Yowele wakhalele mun’a Samuele; 34 Samuele wakhalele mun’a Elkana, Elkana wakhalele mun’a Yelohama, Yelohama wakhalele mun’a Eliyele, Eliyele wakhalele mun’a Toa; 35 Toa wakhalele mun’a Sufe, Sufe wakhalele mun’a Elkana, Elkana wakhalele mun’a Mahate, Mahate wakhalele mun’a Amasayi; 36 Amasayi wakhalele mun’a Elkana, Elkana wakhalele mun’a Yowele, Yowele wakhalele mun’a Azariya, Azariya wakhalele mun’a Sefanya; 37 Sefanya wakhalele mun’a Tahata, Tahata wakhalele mun’a Asile, Asile wakhalele mun’a Ebiasafe, Ebiasafe wakhalele mun’a Kora; 38 Kora wakhalele mun’a Yisehale, Yisehale wakhalele mun’a Kehate, Kehate wakhalele mun’a Levi, Levi wakhalele mun’a Isalele.

39 Asafe wakhalele mumagana gu koko dia madia dia phangi’enji* Hemane. Asafe wakhalele mun’a Belekiya, Belekiya wakhalele mun’a Shimea; 40 Shimea wakhalele mun’a Mikaele, Mikaele wakhalele mun’a Baseya, Baseya wakhalele mun’a Malakiya; 41 Malakiya wakhalele mun’a Eteni, Eteni wakhalele mun’a Zela, Zela wakhalele mun’a Adaya; 42 Adaya wakhalele mun’a Etane, Etane wakhalele mun’a Zima, Zima wakhalele mun’a Shimeyi; 43 Shimeyi wakhalele mun’a Yahata, Yahata wakhalele mun’a Gershome, Gershome wakhalele mun’a Levi.

44 Aphangi’awo,* ajigulu a Melali akhalele mumagana gu koko dia mahidi dia Hemane. Mukatshi diawo guakhalele nu Etane mun’a Kishi; Kishi wakhalele mun’a Abedi, Abedi wakhalele mun’a Maluka; 45 Maluka wakhalele mun’a Hashabiya, Hashabiya wakhalele mun’a Amazia, Amazia wakhalele mun’a Hilikiya; 46 Hilikiya wakhalele mun’a Amesi, Amesi wakhalele mun’a Bani, Bani wakhalele mun’a Shemele; 47 Shemele wakhalele mun’a Mali, Mali wakhalele mun’a Mushi, Mushi wakhalele mun’a Melali, Melali wakhalele mun’a Levi.

48 Aphangi’awo ako enya Levi, atombewe* ha gutshita midimo yagasue gu tabernakle, inzo ya Nzambi wa giamatshidia. 49 Alona nu an’enji a mala akhalele muwotshia milambu hagula izole mishi ha giwotshielo gia milambu ya guwotshia nu ha giwotshielo gia uhafu. Akhalele mukalagala midimo yawo yatadila ima yabalega gijila ha gutoga Nzambi ha gutotesela enya Isalele gubola guawo, gifua muakhalele ndaga jiagasue jiaawambelele Moize muenya mudimo wa Nzambi wa giamatshidia. 50 Ana a Alona enyawa: Eleazale, Eleazale wavualele Fineyase, Fineyase wavualele Abishua; 51 Abishua wavualele Buki, Buki wavualele Uzi, Uzi wavualele Zelaya; 52 Zelaya wavualele Melayota, Melayota wavualele Amaliya, Amaliya wavualele Ahituba; 53 Ahituba wavualele Zadoke, Zadoke wavualele Ahimase.

54 Mafundo enya Levi ahagele phundo jiawo mu mavu awo enyawa: Ajigulu a Alona a mu fami jia Kehate anyi ahetele khapho diawo, tangua atele mubela wa thomo, 55 a ahanele Hebrone mu mavu a Yuda nu matemu enji agasue a hehi. 56 Uvi ahanele Kalebe mun’a Yefune temu dia Hebrone nu membo azonda-zonda akhalele hehi. 57 Ahanele ajigulu a Alona membo* awa a gulengela: Hebrone, Libena nu matemu enji, Yatile, Eshetemoa nu matemu enji, 58 Hilene nu matemu enji, Debile nu matemu enji, 59 Ashana nu matemu enji, Bete-Shemeshe nu matemu enji. 60 Mu mavu a giphuta gia Benjame a ahanele nji membo awa: Geba nu matemu enji, Alemete nu matemu enji nu Anatota nu matemu enji. Membo agasue ahanele fami jiawo akhalele 13.

61 Gungima dia guta mubela, ahanele enya Kehate ako membo kumi azudile mu mavu a fami jia iphuta iko, nu mu mavu a gitshinyi gia giphuta, gitshinyi gia giphuta gia Manase.

62 Ahanele fami jia Gershome membo 13 mu mavu a giphuta gia Isakale nu a giphuta gia Asele nu a giphuta gia Nefetali nu a giphuta gia Manase gu Bashana.

63 Gungima dia guta mubela, ahanele fami jia Melali membo 12 mu mavu a giphuta gia Ribene nu a giphuta gia Gade nu a giphuta gia Zabulona.

64 Luene luholo enya Isalele ahanele enya Levi membo ene nu matemu awo. 65 Gungima dia guta mubela, a ahanele nji membo mu mavu a giphuta gia Yuda, a giphuta gia Simeone nu a mu mavu a giphuta gia Benjame. Membo ene atangewe mu majina awo.

66 Fami jiko jia Kehate jiahetele membo mu mavu a giphuta gia Efrayime. 67 A ahanele membo* awa a gulengela: Shekeme nu matemu enji gu khanda ya milundu ya Efrayime, nu Gezele nu matemu enji, 68 Yokemeame nu matemu enji, Bete-Holone nu matemu enji, 69 Ayalona nu matemu enji nu Gate-Limone nu matemu enji. 70 Ahanele nji fami jiko jia Kehate membo awa mu mavu a gitshinyi gia giphuta gia Manase: Anele nu matemu enji nu Bileame nu matemu enji.

71 Ahanele enya Gershome membo awa: mu mavu a gitshinyi gia giphuta gia Manase, a ahanele Golana gu Bashana nu matemu enji nu Ashetalote nu matemu enji. 72 Mu mavu a giphuta gia Isakale, a ahanele Kedeshe nu matemu enji, Dabelate nu matemu enji, 73 Ramote nu matemu enji nu Aneme nu matemu enji. 74 Mu mavu a giphuta gia Asele, a ahanele Mashale nu matemu enji, Abedona nu matemu enji, 75 Hukoke nu matemu enji nu Lehoba nu matemu enji. 76 Mu mavu a giphuta gia Nefetali, a ahanele Kedeshe ya gu Galilea nu matemu enji, Hamona nu matemu enji nu Kiriyatayime nu matemu enji.

77 Ahanele fami jiko jia Melali membo awa: mu mavu a giphuta gia Zabulona, a ahanele Limono nu matemu enji nu Tabola nu matemu enji. 78 Mu mavu a giphuta gia Ribene gu khanda ya Yordane hehi nu Yeliko, gu khanda ya mazogelo a kumbi a Yordane, a ahanele Besele mu mavu a luselenga nu matemu enji, Yahase nu matemu enji, 79 Kedemota nu matemu enji nu Mefata nu matemu enji. 80 Mu mavu a giphuta gia Gade, a ahanele Ramote ya gu Gileade nu matemu enji, Mahanayime nu matemu enji, 81 Heshebona nu matemu enji nu Yazele nu matemu enji.