Mukanda wa Thomo wa Gudilanduluila
9 Enya Isalele agasue asonegewe majina mu mukanda wa senga* ya fami jiawo, asonegewe nji gu Mukanda wa Mafumu a gu Isalele. Ayile nu enya Yuda mu uhiga gu Babilona handaga akhalelego ya gujinginyina gudi Nzambi. 2 Athu a thomo avutugile mu mavu awo nu mu membo awo, akhalele nganga-nzambi nu enya Levi nu enya Isalele ako, nu athu akhalele mutshita mudimo mu tempelo.* 3 Ajigulu ako a Yuda nu a Benjame nu a Efrayime nu a Manase ayile mukhala gu Yelusalema, majina awo enyawa: 4 Utayi mun’a Amihuda, Amihuda wakhalele mun’a Omeli, Omeli wakhalele mun’a Imeli, Imeli wakhalele mun’a Bani. Mukut’awo agasue akhalele ajigulu a Phelese mun’a Yuda. 5 Mukatshi dia ajigulu a Shilo, Asaya mona wa somi nu an’enji a mala. 6 Mukatshi dia ana a Zela, Yewele nu aphangi’awo a mala 690.
7 Mukatshi dia ajigulu a Benjame, Salu mun’a Meshulame, Meshulame mun’a Hodavia, Hodavia mun’a Hasenua, 8 nu Ibaniya mun’a Yelohama; Ela mun’a Uzi, Uzi mun’a Mikeli, Meshulame mun’a Shefatia, Shefatia mun’a Rewele, Rewele mun’a Ibeniya. 9 Aphangi’awo akhalele 956 gifua luholo asonegewe mu mukanda wa senga ya fami jiawo. Mukut’awo agasue akhalele mafumu a fami jia mu giphuta giawo.*
10 Mukatshi dia nganga-nzambi guakhalele nu Yedaya, nu Yoyalibe, nu Yakine, 11 nu Azariya mun’a Hilikiya, Hilikiya mun’a Meshulame, Meshulame mun’a Zadoke, Zadoke mun’a Melayota, Melayota mun’a Ahituba munu wakhalele mutuameza inzo* ya Nzambi wa giamatshidia, 12 nu Adaya mun’a Yelohama, mun’a Pashule, Pashule mun’a Malakiya, nu Masayi mun’a Adiele, Adiele mun’a Yahezela, mun’a Meshulame mun’a Meshilemite, mun’a Imele, 13 nu aphangi’awo, mafumu a fami jia mu giphuta giawo, mala a ngolo akhalele 1 760, athu atagana ha gutshita mudimo mu inzo ya Nzambi wa giamatshidia.
14 Mukatshi dia enya Levi guakhalele nu Shemaya mun’a Hashuba, Hashuba mun’a Azelikame, Azelikame mun’a Hashabiya, mukut’awo agasue akhalele ajigulu a Melali; 15 nu Bakebaka, nu Helesha, nu Galale, nu Matania mun’a Mika, Mika mun’a Zikri, Zikri mun’a Asafe; 16 Obadia mun’a Shemaya, Shemaya mun’a Galale, Galale mun’a Yedutuna nu Belekiya mun’a Asa, Asa mun’a Elkana munu wakhalele mujinga mu membo a enya Netofa.
17 Athu akhalele mubamba mifulo enyawa: Shaluma, Akuba, Talamona nu Ahimana, phangi’awo Shaluma wakhalele fumu. 18 Thomo wakhalele gu mufulo wa fumu gu khanda ya mazogelo a kumbi. Ene athu akhalele mubamba mifulo ya phundo jia enya Levi. 19 Shaluma nu aphangi’enji a mu fami ya sh’enji nu fami ya Kora akhalele mutala midimo nu abambi a mifulo ya tenta. Shaluma wakhalele mun’a Kore, Kore mun’a Ebiasafe, Ebiasafe mun’a Kora. Ajish’awo akhalele nu ginemo gia gutala phundo ya Yehowa, akhalele abambi a mufulo. 20 Thomo Fineyase mun’a Eleazale wakhalele mutuameji wawo, Yehowa wakhalele n’enji. 21 Zakaliya mun’a Meshelemiya wakhalele mubambi wa mufulo wa inzo ya tenta ya gudibungishila.
22 Athu agasue atombewe ha gubamba mifulo akhalele 212. Akhalele mukhala mu membo awo gifua muasonegewe majina awo mu senga ya fami jiawo. Davidi nu Samuele yago wakhalele mudiangela gumona ndaga mbajibua, atombele athu awa ha gutshita mudimo handaga akhalele guashila mutshima. 23 Ene nu an’awo akhalele nu ginemo gia gubamba mifulo ya inzo ya Yehowa, yakotelesa egi inzo ya tenta. 24 Abambi a mifulo akhalele gu khanda nguana: gu khanda ya mazogelo a kumbi, nu gu khanda ya mayilo a kumbi, nu gu khanda ya nord nu gu khanda ya sud. 25 Aphangi awo akhalele mukatuga mu membo awo mbala nu mbala ha guza mutshita nawo mudimo masugu 7. 26 Guakhalele nu abambi a mifulo nguana akhalele atuameji.* Akhalele enya Levi. A ahanele ginemo gia gubamba sugu* nu fundo akhalele mubambela ima ya ndando mu inzo ya Nzambi wa giamatshidia, handaga akhalele athu a gushila mutshima. 27 Phipha yagasue akhalele mukhala mu mafundo awo mu khulo yagasue ya inzo ya Nzambi wa giamatshidia, ene akhalele mubamba inzo. Akhalele nu ginemo gia gubamba saphi, ene nji akhalele mukangula inzo gimenegena giagasue.
28 Ako mukatshi diawo akhalele nu ginemo gia gutala ikadigilo akhalele mukalegela mudimo; akhalele guyitanga tangua akhalele guyinginyisa, akhalele nji guyitanga tangua akhalele guyizola. 29 Ako atombewe ha gutala ikadigilo iko nu ikadigilo yagasue ya gijila, nu phupha iladiege-diege nu matombe nu maji nu uhafu ulaphe nu maji a balesame. 30 Ana ako a nganga-nzambi akhalele mulonda maji a vumba diabonga nu maji a balesame. 31 Matitia muenya Levi somi ya Shaluma wa mu fami ya Kora, wakhalele nu ginemo gia gutalela ima yakhalele muwetshiewa ha phano handaga akhalele gumushila mutshima. 32 Aphangi’awo ako a mu fami ya Kehate akhalele nu ginemo gia gutalela mapha akhalele muhagewa mu thundu,* akhalele gualonda mu lusugu luagasue lua guhuluguga.
33 Ene akhalele ngimba, mafumu a fami jia mu giphuta gia enya Levi, akhalele mukhala mu sugu* jia tempelo. Akhalelego mutshita midimo iko, handaga akhalele naye gutagenesa ginemo giawo phipha nu muanya. 34 Athu ene akhalele mafumu a fami jia giphuta gia enya Levi gifua muakhalele senga ya fami jiawo. Akhalele mujinga gu Yelusalema.
35 Yeyele sh’a Gibeona wakhalele mukhala gu Gibeona. Jina dia mukaji’enji diakhalele Maka. 36 Mun’enji wa somi wakhalele Abedona, gungima wavualele Sule, Kishi, Bale, Nere, Nadabe, 37 Gedole, Ahiyo, Zakaliya nu Mikelote. 38 Mikelote wavualele Shimeyame. Mukut’awo agasue akhalele mujinga hehi nu aphangi’awo gu Yelusalema nu aphangi’awo ako. 39 Nere wavualele Kishi, Kishi wavualele Saula, Saula wavualele Yonatana nu Malekishua nu Abinadaba nu Eshebale. 40 Yonatana wavualele Melibe-Bale; Melibe-Bale wavualele Mika. 41 Ana Mika akhalele: Phitona, Meleke, Talea nu Ahaza. 42 Ahaza wavualele Yara, Yara wavualele Alemete, Azemavete nu Zimiri; Zimiri wavualele Mosa; 43 Mosa wavualele Binea, Binea wavualele Lefaya, Lefaya wavualele Eleasa, Eleasa wavualele Asele. 44 Asele wakhalele nu ana a mala 6, majina awo enyawa: Azelikame, Bokelu, Ishemayele, Shealiya, Obadia nu Hanana. Mukut’awo agasue akhalele ana a Asele.