Yoshua
12 Wawa mafumu a gifutshi ginyi enya Isalele abingile, gifutshi enya Isalele azudile gifua khapho gu khanda ya mazogelo a kumbi a Yordane, sendese gu baba dia Alenona* uu nu gu Mulundu wa Helemona nu Araba yagasue gu khanda ya mazogelo a kumbi: 2 Sihona, Fumu wa enya Amole wakhalele mujinga gu Heshebona, wakhalele muhinyina dimbo dia Aloele didi mu khulo ya baba dia Alenona nu mavu agasue adi musendesa hakatshi na katshi dia baba diene nu gitshinyi gia Gileade uu nu mu baba dia Yaboke, mudidilo wa enya Amona. 3 Wakhalele nji muhinyina gu Araba uu nu gu Kianga gia Kinelete,* gu khanda ya mazogelo a kumbi, uu nu gu Kianga gia Araba, Kianga gia Mungua* gu khanda ya mazogelo a kumbi a Bete-Yeshimota nu gu khanda ya sud gu mbongo ya milundu ya Phisega.
4 Enya Isalele azudile nji mavu a Fumu Oga wa gu Bashana, muenya Refayime wa suga wasalele nu monyo munu wakhalele mujinga gu Ashetalote nu gu Edeleyi. 5 Wakhalele muhinyina sendese gu Mulundu wa Helemona, gu Saleka nu gu Bashana yagasue uu nu gu mudidilo wa enya Geshule nu enya Maka nu gitshinyi gia Gileade uu nu mu mavu a Fumu Sihona wa gu Heshebona.
6 Moize, muenya mudimo wa Yehowa nu enya Isalele a abingile. Gungima Moize, muenya mudimo wa Yehowa, wahanele mavu awo gifua khapho gudi enya giphuta gia Ribene nu gia Gade nu gitshinyi gia giphuta gia Manase.
7 Yoshua nu enya Isalele abingile mafumu a mu gifutshi anyi akhalele gu khanda ya mayilo a kumbi a Yordane, sendese gu Bale-Gade mu baba dia Libane uu nu gu Mulundu wa Halaka udi mukanduga gu Seyile. Gungima Yoshua wahanele iphuta ya Isalele mavu a mafumu ene gifua khapho. 8 Mavu ene akhalele gu khanda ya milundu nu gu Shefela nu gu Araba nu gu mbongo ya milundu nu mu mavu a luselenga nu gu Negebe, mavu a enya Hete nu enya Amole nu enya Kanana nu enya Phelese nu enya Hivi nu enya Yebuse. Mafumu ene enyawa:
9 Fumu wa gu Yeliko; fumu wa gu Ayi, dimbo diakhalele hehi nu Betele;
10 fumu wa gu Yelusalema; fumu wa gu Hebrone;
11 fumu wa gu Yalemuta; fumu wa gu Lakishe;
12 fumu wa gu Eglone; fumu wa gu Gezele;
13 fumu wa gu Debile; fumu wa gu Gedele;
14 fumu wa gu Holema; fumu wa gu Alada;
15 fumu wa gu Libena; fumu wa gu Adulama;
16 fumu wa gu Makeda; fumu wa gu Betele;
17 fumu wa gu Taphuwa; fumu wa gu Hefele;
18 fumu wa gu Afeka; fumu wa gu Lashalone;
19 fumu wa gu Madona; fumu wa gu Hasole;
20 fumu wa gu Shimelone-Melone; fumu wa gu Akeshafe;
21 fumu wa gu Tanaka; fumu wa gu Megido;
22 fumu wa gu Kedeshe; fumu wa gu Yokeneame gu Karmele;
23 fumu wa gu Dole, gu tumilundu tua Dole; fumu wa gu Goyime gu Gilegale;
24 nu fumu wa gu Tilesa. Mafumu ene agasue akhalele 31.