Ngimbo

38 Oo Yehowa, ungubalelago tangua udi nu khabu,

unguhanyigo longo ha udi nu khabu jiabala.

 2 Handaga mifula yaye yangutua, yangungina mu muila,

koko diaye didi gungunemela.

 4 Handaga gubola guami gudi ha muto wami;

gudi gungunemena ha gubata.

 5 Phuta jiami jiafukha, jidi muzola vumba

mukunda nu guheya guami.

 6 Ngudi nu gikenene giavula, muila wanguleba diago;

ngudi muwenda nu gikenene lusugu lua mudidi.

 7 Tshuya tudi gunguzoga mu muila;*

muila wagasue udi gungukata.

 8 Muila wanguleba diago, ngatshiongomoga;

gikenene giazala pha mu mutshima wami

hene ngudi mudila mu dijui diakola.*

 9 Oo Yehowa, wana jiya nzala jiami jiagasue,

wana vua isugu yagasue ngana mba.

10 Mutshima udi gungubudiga, ngolo jianguhua,

gu meso guangubuita.

11 Mafut’ami nu athu ngatunga n’awo, angutuna mukunda nu phuta jiami,

athu ngana jiya muabonga ashigo luko gungusetuga.

12 Athu anyi adi mukamba gungushiya, angutela miheto;

athu adi mukamba gungutshita gubola, adi muzuelela gufua guami;

adi munyinyita ndaga jia mambo lusugu lua mudidi.

13 Ngabua gifua gifua matshui, ngushigo muvua;

ngabua gifua mbobo, ngushigo muzuela.

14 Ngabua gifua muthu gajiyilego guvua nga gima,

munu gajiyilego guzuela nga gima ha gudibingisa.

15 Oo Yehowa, aye ngakhalele munengenena,

wanguhanele mvutu, Oo Yehowa Nzambi wami.

16 Handaga ngazuelele egi: “Asuangulugago mukunda nu lamba diami,

adihadigo gula malu ami adiadiumuga.”

17 Ngakhalele mutshigina gubua,

ngakhalele nu gikenene tangua diagasue.

18 Ngazuelele gubola guami haphelo;

ngakhalele gudisagesa mukunda nu gubola guami.

19 Mbalagaji jiami jidi diago kidiga, jidi nu ngolo jiavula,*

athu anyi ana laba gungutuna gami abua avula diago.

20 Ngaakalegela ndaga jiabonga, uvi ene anguvutuila gubola;

adi gungukanga njila hagula ngukalagalago ndaga jiabonga.

22 Iza muphushi ungukuatese,

Oo Yehowa, aye muhuluishi wami.