Gutshigina gua Nzambi gudi itshi?

Nzambi wanatshigina egi tujinge mu guhuima enji tukhale nu gusuanguluga ivuo nu ivuo ha mavu mu paladiso!

Wajiya gudihula egi: ‘Luholo lutshi yajiya gukalegewa?’ Biblia idi muzuela egi Ufumu wa Nzambi mba udiguyitagenesa, enji Nzambi udi mutshigina egi athu agasue alonguge ha gujiya Ufumu wene nu matangi enji mukunda nu esue.​—Lungimbo 37:11, 29; Yeshaya 9:7.

Nzambi wanatshigina egi tukhale nu lujingu luabonga.

Luholo tata wa guzumba wanakamba ndaga jia bonga mukunda nu an’enji, luholo lungoshi Tata wetu udi mu dilu wanazumba tukhale nu gusuanguluga gua ivuo nu ivuo. (Yeshaya 48:17, 18) Watendelele egi muthu udi mukalagala gutshigina gua Nzambi akhale ivuo nu ivuo.​—1 Yone 2:17.

Nzambi watshigina egi tuwende mu njila jienji.

Biblia yazuelele egi Mufugi wetu watshigina ‘gutulongesa njila jienji’ ha gula ‘tuwende mu njila adi gutuvundila.’ (Yeshaya 2:2, 3, NW) Wabungisa hunji dia athu ‘mukunda nu jina dienji’ ha gujiyisa gutshigina guenji ha mavu agasue.​—Makalegelo 15:14, NW.

Nzambi watshigina egi tumukombelele hamoshi

Gikombelelo giamatshidia gianakhapha ndo athu, uvi giana guabungisa mu guzumba gua diago. (Yone 13:35) Mangino akhuatshi analonga mala nu akhetu a mu ifutshi yagasue luholo lutshi lua gukalegela Nzambi hamoshi? Tuagutoga ha guheta gueteya mu gamukanda gaga.