Tukudise Luholo Luetu lua Gulongesa Mbimbi ya Nzambi​—Gulongesa Mbimbi ya Nzambi mu Mafundo a Gusumbisa Ima

Idi nu Ndando Itshi: Athu avula ana gukalagala mudimo matangua avula fundo dimoshi, hene gulongesa mbimbi ya Nzambi mu mafundo awo a midimo, guajiya gukuatesa haguheta athu ene. Gulongesa mbimbi ya Nzambi mu mafundo a gusumbisa ima guajiya gusuanguluisa, handaka athu aguzuela nawo ana gukhala guene tangua diagasue, asumbishi ana gunemesa athu agasue handaga ana guamona gifua asumbi. Hagulongesa muabonga, alongeshi adi naye gukalagala milonga nu gutema guagasue, adi naye luko gumonesa khadilo diabonga mu sudigilo diawo. (2 Kol. 6:3) Hakiene, mutadi wa mudimo wa gulongesa mbimbi ya Nzambi (surveillant au service) udi naye gutadila muabonga luholo mudimo wene udi gukalegewa mu mafundo a gusumbisa, udi naye luko gujiya athu adi guukalagala.