Luholo lua Guyamba Athu Mbatutamega

Mu date ya 23 ya mbeji ya 3 ya givo 2016, athu hehi nu milio 12 mbaaza gu Guwunguluga gua gufua gua Yesu. Athu ene mbaalongesewa muabonga tangua mbaalandula diskur mbadikotelesa gibawu nu ndaga jiko jiabonga Yehowa mbaakalegela athu mu masugu adi muza. (Yesh 11:6-9; 35:5, 6; 65:21-23; Yone 3:16) Uvi, ishigo phamba muzuedi mbawulongesa athu ene. Mukut’etu agasue tudi nayo ya guayamba muabonga. (Lomo 15:7) Ha guayamba muabonga, tuajiya gukalagala ndaga jiji jialandula:

• Hafundo dia gunengenena holu dia gife giaye egi programe yisendese, kalagala ngolo ha guzuela nu athu tuatemega ha guamonesa egi wasuanguluga guamona, amenege nu gusuanguluga guagasue

• Tangua udi muzuela nu athu watamega, zuelesa nji athu ako atamegewa gua aphangi aklisto ako. Khala fundo dimoshi nu athu atamegewa. Akuatese ha gutanga mu Biblia yaye, nu ha guyimba mu mukanda waye

• Gungima dia diskur, zuela nu athu ene ha guhana mvutu gu mihu yawo. Gila tangua didi diazonda handaga mudi nayo ya gubembela hungu diko fundo dia gudibungisa, divuenu nenji ha gumuvutugila gungima dia masugu azonda. Gila ushigo mujiya fundo muthu muene wana khala, wajiya gumuwambela egi: “Mbangusuanguluga ha gujiya ndaga udi gutangiza mukunda nu milonga ya longesewa mangino. Itshi ngajiya gukalagala hagula tudimone luko?”