“Am’you, ngutume!”

Tudi naye gulandula khadilo dia Yeshaya dia gudihana nu mutshima wagasue. Wamonesele gutshigina, enji watumagele mudimo wamuhanele Nzambi ikhale muene gakhalelego mujiya ndaga jiagasue jidi mutalela mudimo wene. (Yesh 6:8) Wajiya gulonda ndaga jia lujingu luaye ha gula egi uye ulongese mbimbi ya Nzambi ha fundo didi diago nu funu ya alongeshi a Ufumu? (Ngi 110:3) Yadiago, idi nu funu egi “tutange ndando” gutuama dia guya fundo diene. (Luka 14:27, 28) Uvi, tshigina nu mutshima umoshi ha gumona lamba mukunda nu mudimo wa gulongesa mbimbi ya Nzambi. (Mat 8:20; Mako 10:28-30) Luholo tuayimonyi mu video Déménager là où il y a besoin de renfort, gubonga tuana guheta mu mudimo wa Yehowa guabalega malamba tuana gutagana nawo mu mudimo wene.

GUNGIMA DIA GUTALA VIDEO, HANA MVUTU GU MIHU EYI:

• Ndaga jitshi jiakalegele enya fami ya phangi Williams ha gula aye mulongesa mbimbi ya Nzambi gu Équateur?

• Ndaga jitshi atalele tangua akhalele mutomba fundo dia guya gulongesa mbimbi ya Nzambi?

• Gubonga gutshi ahetele?

• Fundo ditshi wajiya gumona ndaga jiavula jidi mutalela fundo didi diago nu funu ya alongeshi a Ufumu?

MU GUKOMBELELA GUENU GUA MU FAMI GUA PHOSO IDI MUZA, TALELENU MIHU EYI YALANDULA:

• Luholo lutshi fami yetu yajiya gulongesa muavula mbimbi ya Nzambi? (km-F 8/11 diyiji 4-6)

• Gula tushigo nu luholo lua guya gulongesa fundo didi diago nu funu ya alongeshi, ndaga jitshi tuajiya gukalagala ha gukuatesa hungu dietu? (w16.03-F diyiji 23-25)