“Longesa Ndaga Yatadila Givo Yehowa Mbawubatela Athu Gubonga”

‘Givo giago Yehowa mbawubatela athu gubonga’ gishigo gifua ivo yagasue

61:1, 2

• Idi sungi Yehowa mbawuhana athu agudibulumuisa okazio wa gutshigina laji dienji dia guahuluisa

• Mu tangua diathomo, givo giago Yehowa mbawubatela athu gubonga, giasendesele tangua Yesu wasendesele gulongesa mbimbi ya Nzambi mu givo 29 gia tangua dietu. Giashiphile uu nu mu givo 70 gia tangua dietu, hamuangewe Yelusalema mu “lusugu lua khabu” jia Yehowa

• Mu masugu etu, givo giago Yehowa mbawubatela athu gubonga giasendesele nu uhinyinyi wa Yesu gosa mu givo 1914, mbagisuga mu tangua dia lamba diakola

Yehowa wana hana ‘mitshi yakoma ya nduedi’ mukunda nu gukuatesa akombeledi enji

61:3, 4

• Mitshi yaleha gubalega mitshi yagasue ya ha mavu, yana gukula hama hamoshi nu mitshi iko mu gishitu; mitshi yene yana gudikuatesa mukatshi diayo

• Yajiya gukhala egi miji ya mitshi yene yana gudibinda, hene yana gukolesa mitshi yene hagula gikudi giyibuishigo

• Mavule a mitshi yaleha ana gukuatesa tumitshi tuazonda hagula tukule muabonga; mayiji ana gubua hashi, ana guhana mavu vitamine

Aklisto agasue adi mu organizasio ya Yehowa ana guheta ukuateshi nu ubambi wa aklisto ambiwe maji adi luko ha mavu, adi gifua ‘mitshi yakoma ya nduedi’