“Nemesa Sh’aye nu Gin’aye”

Tangua Yesu wakhalele ha mavu, wazuelele egi: “Nemesa sh’aye nu gin’aye.” (Guz 20:12; Mat 15:4) Yesu wazuelele ngenyi handaga muene “wakhalele mutumagela” mvuaji jienji tangua gakhalele muvuala. (Luka 2:51, mbimbi goshi’a diyiji NW) Gutuama dia gufua guenji, Yesu walondele ndaga hagula gin’enji abambewe muabonga.​—Yone 19:26, 27.

Mangino nji, mavuala anyi adi Aklisto ana gutumagela mvuaji jiawo, luko ana guta nawo maga nu gunemesa guagasue. Ngenyi ana gumonesa egi ana gutumbuisa mvuaji jiawo. Hene, mukhuala wa gunemesa mvuaji wana gukhala ndo nu gisugishilo. Ikhale mvaji jietu jiakola, tudi naye gulandula gujinemesa, ngenyi mbatuheta gumbonga gua ndunge jiawo. (Ish 23:22) Ha gumonesa luko egi tudi munemesa mvuaji jietu gula jiakola, tudi naye gujihana gikhesa, gujimonesela guzumba nu gujikuatesa nu makuta gula luholo ludi guene. (1Tim 5:8) Ngatshima tudi mavuala nga mambuta, guta maga mu luholo luabonga nu mvuaji jietu gudi luholo lumoshi lua gumonesa egi tuana gujinemesa.

TALENU VIDEO IDI NU MUTO WA LUMENE EGI LUHOLO LUTSHI NGAJIYA GUTA MAGA NU MVUAJI JIAMI?, GUNGIMA HANENU MVUTU GU MIHU EYI:

• Mukunda natshi wajiya gumona egi idi lamba ha guta maga nu mvuaji jiaye?

• Luholo lutshi wajiya gunemesa mvuaji jiaye tangua udi muta najio maga?

  

• Mukunda natshi gukalagala ngolo ha guta maga nu mvuaji jiaye gudi ndaga yabonga? (Ish 15:22)