UMONYI UDI MU MBIMBI YA NZAMBI | MATAYO 18-19

Ukhadigo Gikhakhuishilo Mukunda nu Aye nga Mukunda nu Athu Ako

Yesu wahanele ifezegeselo ha gulongesa egi gukhala gikhakhuishilo, nu gukhakhuisa athu ako idi ndaga yabola diago.

“Ndaga idi mukhakhuisa” yakotelesa egi gima nga ndaga imoshi idi mutuma muthu mu njila yabola, ha gubua mu gubola, ha gukalagala uthambi nga ndaga iko yabola
Muthu udi mukhakhuisa muthu muko, ya balega gubonga egi amukudige seso yakoma mu shingo, enji amusonone mu muta

Gabalu gadi mubaluna seso yakoma ya gukhukhila mbuto; seso yakoma ya gukhukhila mbuto idi ya gukudiga mu shingo ya muthu, enji muthu muene wabishidiwa mu muta — Seso jiakoma jia gukhukhila

Yesu wawambelele alandudi enji ha gukatula gima giagasue, ngatshima gidi nu ndando yavula gifua koko nga diso, gula amona egi gima giene gidi guaakhakhuisa
Ha fundo dia gujinginyina gima gimoshi gia ndando nu gumbiwa mu Gehena (gufua gua mayilago), idi yabalega gubonga egi tubembe gima giene, enji tungine mu Ufumu wa Nzambi

Mu lujingu luami, ndaga itshi yajiya gukhala gikhakhuishilo, nu luholo lutshi ngajiya gutuna gukhala gikhakhuishilo mukunda nu ame nga mukunda nu athu ako?