Vizio Imoshi idi Mukolesa Gutshigina Guetu

9:1-7

Tangiza luholo luadivuile Yesu havuile muene mbimbi jiazuelele Sh’enji mu vizio yakhalele muzuelela gumonega guenji mu lutumbu, hazuelele muene egi wana gumuzumba muavula. Idi yadiago egi vizio eyi yahanele Yesu gikhesa mukunda nu malamba akhalele gumunengena. Luko, Phetelo,Yakoba, nu Yone adihudile mukunda nu vizio yene. Vizio yene yaatshiginyishile egi Yesu wakhalele masiya, hene akhalele naye gumutegelela. Gungima dia ivo 32, Phetelo wawungulugile ndaga yene nu luholo yakolesele muavula gutshigina guenji mu “mbimbi jiazuelele profete.”​—2Phet 1:16-19, NWT.

Ngatshima esue hakhetu tuamuenenego vizio yene, tuana gulongesa gutagenesewa guayo. Mangino owu, Yesu udi muhinyina mu dilu, muene udi Fumu wa ngolo jiavula. Gualeha ndo, muene “mbawubinga uu nu gu gisugishilo gienji.” Ngenyi, mbawukangula njila mukunda nu mavu ahe-ahe atagana.​—Yat 6:2, NWT.

Luholo lutshi gumona gutagenesewa gua profesi jia Biblia guakolesele gutshigina guaye?