Luholo Lutshi Wajiya Gudilondega Mukunda nu Guwunguluga Gufua gua Yesu?

Sendese givo egi, mbatukhala nu tangua diavula dia gudilondega mukunda nu gudibungisa gua Guwunguluga (guyabuluga) gufua gua Klisto. Gula gudibungisa gua Guwunguluga gufua gua Yesu guabua mu lusugu lua mukatshi dia phoso, Gudibungisa gua Lujingu nu Mudimo wa Uklisto gua phoso yene gushigo naye gukalegewa. Luko, gula gudibungisa guene guabua mu lusugu lua Samano nga lua Lubingo, diskur nu gulonguga gua Inzo Yaleha ya Mutaledi ishigo naye gukalegewa. Mbawukalegela kiawaha tangua edi atuhana ba? Luholo lumoshi nu Aklisto a mu siekle ya thomo, gudi nu ndaga tudi naye gukalagala mukunda nu gudibungisa ogu gua ndando. (Luka 22:7-13; km-F 3/15 diyiji 1) Hene, mukut’etu agasue tudi naye gulondega mitshima yetu. Luholo lutshi?

• Tangigiza funu ya guya mu gudibungisa guene.​—1Kol 11:23-26

• Kombelela Yehowa nu tangigiza ufuta waye nu muene.​—1Kol 11:27-29; 2Kol 13:5

• Tanga mikanda idi muzuelela funu ya Guwunguluga gufua gua Yesu, gungima tangigiza ndaga watangi.​—Yone 3:16; 15:13

Aphangi ako ana gutanga verse jia Biblia jidi muzuelela gufua gua Yesu, jinyi jiakhala mu gamukanda Examinons les Écritures chaque jour. Gungima, ana gutangigiza ndaga jiene. Uvi, aphangi ako ana gutanga verse jidi mu galuanda gadi ha mbongo haha. Aphangi ako ana gutanga luko malongo a Inzo Yaleha ya Mutaledi adi muzuelela gufua gua Yesu nu guzumba guamonesele Yehowa nu mun’enji mukunda nu esue. Ikhale watanga verse jia Biblia nga mikanda yetu, kalagala hagula igukuatese ha gusuena hehi nu Yehowa nu Mun’enji.