“Tushigo Mubemba Ndo”

4:16-18

Tangiza egi fami jiyadi jidi mujinga mu inzo imoshi ikulu nu yagufua. Fami imoshi ishigo nu felela nga hazonda. Uvi enya fami iko adi nu gusuanguluga. Mukunda natshi? Handaga gualeha ndo mbaya mungina mu inzo yabonga ihe-ihe.

Tudi mujiya egi “Ima yagasue yafugiwe, idi mulandula gudila hamoshi nu gumona lamba hamoshi uu nu henyaha.” Uvi akombeledi a Nzambi akhala nu felela diana guaakuatesa. (Lomo 8:22, NWT) Tudi mujiya luko egi, malamba tudi mutagana nawo mangino nu anyi atubuidile mu ivo yabalega, adi ‘mukunda nu tangua diazonda nu ashigo anema,’ gula tuaafuanesa nu gubonga gua mayilago mbatuheta mu mavu ahe-ahe a Nzambi. Gula tuahaga matangi etu phamba mu gubonga mbatuheta mu Ufumu wa Nzambi, mbayitukuatesa ha gukhala nu gusuanguluga nu hagula tubembigo.