UMONYI UDI MU MBIMBI YA NZAMBI | GISENDESELO 9-11
“Athu Agasue a ha Mavu Akhalele Muzuela Khuta Zuelelo Dimoshi”
Yehowa watunganesele zuelelo dia athu anyi atunyile gumutumagela gu Babele. Hene, amuanganene ha mavu agasue. Mangino, Yehowa udi mubungisa thundu yakoma ya athu a ifutshi yagasue nu a mazuelelo agasue. Udi guaahana “zuelelo dia phelegeta” hagula “ajiya gutamega jina dienji, ha gumukalegela mudimo phanga nu phanga.” (Sef 3:9; Yat 7:9) “Zuelelo dia phelegeta” didi giamatshidia giatadila Yehowa nu mafelela enji, gifua luholo tudi guyimona mu Biblia.
Gulonguga zuelelo dihe-dihe guanago gutoga phamba gukuata mbimbi jihe-jihe mu muto. Guana toga nji gulonguga luholo luhe-luhe lua gutangiza. Luholo lumoshi nji, tangua tuana longuga giamatshidia, matangi etu ana sombegesa. (Lomo 12:2) Usombegeshi wene ushigo nu gisugishilo, nu wana kuatesa akombeledi a Nzambi ha gukhala hamoshi.—1Kol 1:10.