Gutanga Mukhapho wa Lusugu Guana Gugubatela Gubonga Ba?

Wakhala nu khadilo dia gutanga verse ya Biblia nu komantere ya gamukanda Gutanga Mukhapho wa Lusugu (Examinons les Écritures chaque jour), hagula usuene hehi nu Yehowa ba? Gula wanago guyitshita, wajiya gusendesa guyikalagala lusugu nu lusugu ba? Aphangi avula ana guyitshita mu gimenegena. Ngenyi, ajiya gutangigiza ndaga jia verse yene tangua adi mutshita midimo yawo. (Yosh 1:8; Ngi 119:97) Luholo lutshi wajiya guheta gubonga gua gutanga mukhapho wa lusugu? Tanga verse jidi gutuama nu gungima dia verse ya mukhapho wa lusugu hagula uyikotelese kiawaha. Kamba gutangigiza lumene lua Biblia ludi mumonesa longo didi muzoga mu verse yene. Hangima, kalegela longo diene mu lujingu luaye. Gula udi muzula badesizio adi gudivua nu Mbimbi ya Nzambi, mbayigukuatesa nu mbayigubatela gubonga guavula.—Ngi 119:105.

Aphangi a gu Betele jia ha mavu agasue, ana Gutanga Mukhapho wa Lusugu tangua ana gudia mu gimenegena. Mangino, badiskur avula adi muzuelela mukhapho wa lusugu, ana hagewa mu JW Télédiffusion^® ha vidéo à la demande, ÉVÈNEMENTS ET DISCOURS. Watalele gale diskur nga dimoshi mukatshi dia badiskur ene ba? Yajiya gukhala egi badiskur ene adi muzuelela ndaga udi najio diago funu. Ha gufezegesa, luholo lutshi lumene lua Lota luajiya gugukuatesa ha guzula badesizio abonga?

TALENU VIDEO IDI MUZUELA EGI UZUMBIGO IMA YA HA MAVU AWA (1YONE 2:15). HANGIMA, HANENU MVUTU GU MIHU EYI:

• Longo ditshi dia Biblia didi muzoga mu Mukhapho wa Lusugu adi muzuelela mu video eyi?

• Luholo lutshi lumene lua Lota ludi mumonesa malamba ajiya gutubuila gula tuazumba ima ya ha mavu awa?—Gis 13:12; 14:12; 19:3, 12, 13, 24-26

• Luholo lutshi tuajiya gumonesa egi tuana zumba Yehowa uvi ima ya ha mavu awa ndo?