Tukudise Luholo Luetu Lua Gulongesa Mbimbi ya Nzambi—Gulongesa Ifofo

MUKUNDA NATSHI IDI NU NDANDO: Ifofo yavula yanago gutshigina guta maga nu athu anago gujiya. Hene, yana toga gutema ha guaalongesa giamatshidia. Yehowa wana zumba ifofo muavula diago. (Levi 19:14) Esue nji tuajiya gumonesa egi tuana zumba ifofo gula tuaakuatesa ha gujiya giamatshidia.

LUHOLO LUA GUYIKAGALA:

• “Khala mukamba” ifofo. (Mat 10:11) Wana gujiya muthu mumoshi wakhala nu phangi’enji wa gifofo ba? Mu terituare yenu, muakhala nu makhalasa nga jinzo jia ifofo muajiya guhana mikanda yasonegewe mukunda nu ifofo ba?

• Monesa egi wana guzumba ifofo. Gifofo giajiya gudivua muabonga ha guta naye maga gula udi gumumonesela gisemo nu guzumba. Tomba ndaga imoshi yana kalegewa mu terituare yenu yajiya gumusuanguluisa

• Muhane mikanda yajiya gumukuatesa ha gujiya Yehowa. Organizasio wa Yehowa wana zola mikanda ya maluholo a gudisha mukunda nu ifofo nu athu anyi anago gumona kiawaha. Hula mumoshi-mumoshi egi luholo lutshi adi mutshigina egi alonguge Biblia. Mutadi wa mudimo wa gulongesa udi naye gujiya gula phangi wana tshita komande ya mikanda, watogi mikanda ifofo idi diago nayo funu.