Tukudise Luholo Luetu Lua Gulongesa Mbimbi Ya Nzambi—Gulongesa Gutuama dia Mufulo wa Inzo ya Muthu

MUKUNDA NATSHI IDI NU NDANDO: Umbundudi udi wavula mangino, gishina giene athu avula anago gutshigina gukangula mifulo yawo ha gunginyisa muthu gula ashigo gumujiya. Tangua tudi mulongesa, tuajiya guvua woma ha guzuela nu muthu gula tushigo gumumona uvi muene udi gutumona. Ndaga eji jialandula, jiajiya gutukuatesa ha gulongesa muthu watuna genji gutuzuluila mufulo, uvi watshigina gututegelela.

LUHOLO LUA GUYIKAGALA:

• Khala nu matangi abonga. Mukatshi dia athu ana tuna guzulula mifulo yawo, mudi nu ako ana tshigina nji gututegelela

• Alongeshi ashigo naye gujimbila egi tangua adi hehi nu mufulo, yajiya gukhala egi fumi’a inzo wasendesa gale guamona nu gutegelela ndaga adi muzuela

• Gula muthu watuna gumizuluila mufulo uvi watshigina egi mute n’enji maga, khalenu muzuela gifua mudi gugumona. Zuelenu nu gisemo nu gumuemueta guagasue. Zuelenu ndaga mualondega ha guzuela, tshitenu gifua mudi nu muthu muene hanze. Muyigo mukuelela ha mufolo ha gula momone mukatshi

• Mudi naye guwunguluga egi tangua mudi hehi nu mufulo, ngatshima muamanesela gale guta maga nu fumi’a inzo, yajiya gukhala egi muene udi mulandula gumimona nu gutegelela ndaga jiagasue mudi muzuela