Kampanye Sipesiale Mukunda nu Gulongesa Ufumu wa Nzambi mu Novembre

Yesu walongesele “lukuma luabonga lua Ufumu wa Nzambi.” (Luka 4:43) Walongesele nji athu luholo lua gukombelela mukunda nu Ufumu wene. (Mat 6:9, 10) Mu mbeji ya novembre, mbatutshita kampanye sipesiale ha gulongesa athu Ufumu wa Nzambi. (Mat 24:14) Ha gutshita muabonga kampanye gene, tudi naye gulondega programe yetu. Mu mbeji yene, aphangi adi mutshigina gutshita mudimo wa muvundji wa njila wa tangua diazonda ajiya gutomba ha guhana matangua 30 nga 50.

Mbatutangela athu avula verse idi muzuelela Ufumu wa Nzambi mu terituare yetu gula luholo ludi guene. Tangua tudi mutomba verse, tudi naye gutadila ndaga jia gikombelelo gia athu mbatulongesa. Gula muthu wasuanguluga gututegela mu gudimona gua thomo, tuajiya gumuhana Inzo Yaleha ya Mutaledi ya athu agasue ya Français, No. 2 2020. Gungima, tudi naye guvutugila muthu muene ha gusendesa gulonguga nenji Biblia mu njila ya mukanda umoshi udi mu Ikadigilo ya Gulongesela Biblia. Gualeha ndo, Ufumu wa Nzambi mbawuza mushiya baguvernema agasue a ha mavu. (Dan 2:44; 1 Kol 15:24, 25) Hene, gudihana guetu mukunda nu kampanye sipesiale gene mbagumonesa egi tuana khala yagujinginyina gudi Yehowa nu Ufumu wenji!