Ndaga Thathu Jiajiya Gutukuatesa ha Gushila Yehowa Mutshima

Davidi washile mutshima gudi Yehowa hene abingile Goliate. (1Sam 17:45) Yehowa wana gukuatesa akombeledi enji agasue. (2Gudi 16:9) Luholo lutshi tuajiya gusha mutshima mu ukuateshi wa Yehowa ha fundo dia gusha mutshima mu ngolo jietu nu mu eksperianse yetu? Tutadilenu ndaga thathu jiajiya gutukuatesa:

• Gukombelela tangua diagasue. Ukhadigo mukombelela Yehowa phamba ha gutoga pardo gula wakalagala gubola, uvi khala nji gumukombelela hagula aguhane ngolo jia gutuna gukalagala ndaga imoshi yabola. (Mat 6:12, 13) Ukhadigo mukombelela phamba hagula Yehowa agukuatese mu badesizio anyi wazudile gale, uvi khala nji gumutoga ndunge nu utuameji gutuama dia guzula badesizio.​—Yak 1:5

• Gukhala nu programe yabonga ya gutanga nu gulonguga Biblia. Khala mutanga Biblia lusugu nu lusugu. (Ngi 1:2) Khala muzula tangua dia gutangigiza ifezegeselo idi mu Biblia. Khala nji mukalegela malongo ene wazudi. (Yak 1:23-25) Khala gudilondega muabonga gutuama dia guya mu mudimo wa gulongesa ha fundo dia gusha mutshima mu eksperianse yaye. Khala mulondega muabonga gudibungisa gua mu hungu; ngenyi mbayigukuatesa ha gujiya ndaga jiavula

• Gutumagela malongo ana gutuhana ulondegi wa Yehowa. Kamba gujiya utuameji uhe-uhe udi gutuhana ulondegi wa Yehowa, wutumagele nji muphushi. (Lutang 9:17) Khala mutegelela malongo adi guguhana akulu.​—Heb 13:17

TALESA VIDEO N’AIE PAS PEUR DE LA PERSECUTION, GUNGIMA HANENU MVUTU GU MIHU EYI:

• Mukunda natshi aphangi a mala nu a akhetu akhalele muvua woma?

• Itshi yaakuatesele ha gukolesela?