Gutshita Mudimo wa Muvundji wa Njila

Tuana kalegela ngolo jietu muabonga, tangua tuana gudihagela mafelela ha gutshita muavula mu mudimo wa Yehowa. (1Kol 9:26) Gula tudi gudihagela mafelela, mbayitukuatesa ha gukalegela muabonga tangua tuasala nadio gutuama egi gisugishilo gia mavu awa gize. (Ef 5:15, 16) Mu gukombelela guenu gua mu fami, muajiya guzuelela mafelela muajiya gudihagela mukunda nu givo gia mudimo gidi muza. Ha gumikuatesa, mukanda wa gukalegela mu gudibungisa wa mbeji eyi, udi muzuelela mafelela muajiya gudihagela. Muajiya gutangigiza mukunda nu mafelela ene nu gutshita gisambu ha guzula desizio diabonga.​—Yak 1:5.

Ha gufezegesa, muajiya gudivua mu fami ha gukuatesa muthu mumoshi mukatshi dienu, ha gubua muvundji wa njila wa tangua diagasue. Gula udi mutangiza egi yajiya gukhala lamba ha gutagenesa matangua ana toga avundji a njila a tangua diagasue, wajiya guta maga nu muvundji wa njila udi nu ndaga jialuholo lumoshi nu aye ha gugukuatesa. (Ish 15:22) Muajiya nji guhula mihu gudi muvundji wa njila mumoshi, tangua mudi mukalagala gukombelela gua mu fami. Muajiya gulondega programe, gungima musonega ndaga jiene. Gula wakhalele muvundji wa njila ivo yabalega, kamba gujiya gula wajiya nji gusendesa luko mudimo wene.

Mu fami yenu, gudi nu muthu wajiya gubua muvundji wa njila wa tangua diazonda mukunda nu mbeji imoshi nga jiavula? Gula ushigo nu ngolo jia gutshita muavula mudimo wa gulongesa, wajiya gubua muvundji wa njila wa tangua diazonda gula udi mulongesa matangua azonda lusugu nu lusugu. Gula wanago guya mu mudimo wa gulongesa mukatshi dia phoso handaga wana tshita mudimo nga wana guya gu khalasa, wajiya gubua muvundji wa njila wa tangua diazonda mu tangua dia konje nga mu mbeji inyi yanakhala nu phoso thano. Muajiya gusonega gu kalandriye tangua nga mbeji mudi mutshigina gusendesa mudimo wa muvundji wa njila wa tangua diazonda nu londegenu programe yajiya gumikuatesa. Gungima sonegenu ndaga jiene.​—Ish 21:5.

TALESA VIDEO KHALA NU GIKHESA TANGUA . . . UDI MUVUNDJI WA NJILA, GUNGIMA HANENU MVUTU GU MIHU EYI:

• Luholo lutshi Yehowa wakuatesele phangi Aamand? Longo ditshi tuajiya guzula?