Ulo Wana Bungisa Yala nu Mukhetu ha Gujinga Hamoshi Tangua Diagasue adi nu Monyo

Gula Aklisto adizudile gale mu ulo adi nu gusuanguluga mu ulo wawo, ana tumbuisa Yehowa. (Mako 10:9) Aklisto adi naye gukalegela malongo a Biblia tangua adi mutomba muthu wa gudizula n’enji mu ulo hagula akhale nu gusuanguluga mu ulo wawo nu hagula ulo wene ulalege.

Gutuama dia gutomba muthu wagudizula n’enji mu ulo udi naye ‘gubalegesa gale sungi ya ulenge,’ tangua nzala ya gubungisa muila yakhala yakola nu yajiya gugutuma ha guzula desizio diabola. (1Kol 7:36) Idi nu ndando egi ukalegele muabonga tangua diaye ha udi khenji uzudiwa gale ndo mu ulo ha gukolesa ufuta waye nu Yehowa nu ha gukudisa makalegelo a Uklisto. Ngenyi mbawukhala watagana ha gubata gusuanguluga mu ulo wenu.

Gutuama dia gutshigina muthu ha gudizula n’enji mu ulo udi naye guzula tangua diavula ha gumujiya diago muabonga. (1Pt 3:4) Gula wasendesa gumona egi ndaga jishigo muyila muabonga, wajiya guta maga nu muthu muene ha guzuelela ndaga yene muabonga. Ulo udi gifua ufuta tuana khala nayo nu athu ako, udi naye gukhala nu khadilo dia guhana muavula ha fundo dia gunengena egi aguhane. (Fili 2:3, 4) Gula udi mukalegela malongo a Biblia gutuama dia guya mu ulo, mbayigukuatesa ha gulandula gukalagala ngenyi tangua mbamudizula mu ulo nu mbamukhala nu gusuanguluga.

TALENU VIDEO: SE PRÉPARER AU MARIAGE: ”CALCULER LA DÉPENSE.” (3e PARTIE), GUNGIMA HANENU MVUTU GU MIHU EYI:

• Ndaga jiakhalele mubalega gikuatshi tangua Shane wasogele phangi wa mukhetu tuamonyi mu video?

• Ndaga itshi phangi muene wa mukhetu wajiyile hakhalele muene mukamba gujiya Shane muabonga?

• Luholo lutshi mvuaji jia phangi muene jia mukuatesele? Desizio ditshi phangi muene wa mukhetu wazudile?