19-25 FEVRIER

NGIMBO 8-10

Lungimbo 2 nu Gisambu | Mbimbi jia Gisendeselo (Mun. 1)

UMONYI UDI MU MBIMBI YA NZAMBI

1. “Oo Yehowa, Mbangugutumbuisa”!

(Min. 10)

Yehowa wana gutuzumba diago muavula (Ngi 8:3-6; w21.08 diyiji 3 par. 6)

Tuana suanguluga gutumbuisa Yehowa tangua tuana wambela athu ako ndaga jiabonga jiatshitshile muene (Ngi 9:1; w20.05 diyiji 23 par. 10)

Tuana gumutumbuisa nji tangua tuana gumuyimbila ngimbo nu gusuanguluga guagasue (Ngi 9:2; w22.04 diyiji 7 par. 13)

Foto: Maluholo tuajiya gutumbuisa Yehowa. 1. Phangi mumoshi wa mukhetu wa gukola udi mulongesa lukuma luabonga gudi munganga. 2. Aphangi a mala nu a akhetu adi muyimba mu gudibungisa. 3. Mona mumoshi wazonda udi muthuphula koko dienji ha guhana mvutu mu gudibungisa gua mu hungu. 4. Phangi mumoshi wa yala wa muvuala, udi muwevua Inzo ya Ufumu. 5. Muvuala mumoshi wa mukhetu udi mulongesa lukuma luabonga gudi futa dienji wa khalasa.

DIHULE EGI: ‘Ndaga itshi iko ngajiya gukalagala ha gutumbuisa Yehowa?’

2. Ndaga jia Ndando jia mu Nyuma

(Min. 10)

Ngi 8:3—Malongo atshi Davidi wazudile tangua diakhalele muene mutala ima yafugile Nzambi? (w23.03 diyiji 19 par. 14)

Mvutu
Mu lutango lua Biblia lua phoso eyi, ndaga jitshi jia ndando jia mu nyuma wamonyi?

Mvutu

3. Lutango lua Biblia

(Min. 4) Ngi 10:1-18 (th longo 11)

YIKADIKILE MU MUDIMO WA GULONGESA

4. Gusendesa Guta Maga nu Athu

(Min. 3) INZO NU INZO. Gula muthu udi muta nenji maga waguwambela egi ganago gusha gutshigina gudi Nzambi. (lmd longo 5 gitshinyi 4)

5. Guvutugila Athu

(Min. 4) LONGESA GULA WAHETA OKAZIO. Tangua muatele maga nu muthu muene, waguwambelele egi ganago gusha gutshigina gudi Nzambi, uvi henyaha watshigina gujiya ndaga jidi mumo- nesa egi Mufugi wana khala guene. (th longo 7)

6. Diskur

(Min. 5) w21.06 diyiji 6-7 par. 15-18—Muto wa lumene: Khala Mukuatesa Athu Wana Longesa Biblia ha Gutumbuisa Yehowa. (th longo 10)

MAKALEGELO A UKLISTO

Lungimbo 10

7. Luholo Lutshi Wajiya Gulongesa Gifua Luholo Wana Zuela Gula Waheta Okazio

(Min. 10) Lumene nu hungu.

Ndaga iko tuajiya gutshita ha gutumbuisa Yehowa muavula, idi gulongesa athu tuana gudimona nawo tangua tuana tshita midimo yetu ya lusugu nu lusugu. (Ngi 35:28) Thomo, tuajiya guvua woma ha gulongesa gula tuaheta okazio. Uvi gungima, gula tuajiya luholo lua gusendesa guta maga nu muthu gifua luholo tuana zuela gale, tuajiya diago gusuanguluga nu luholo luene lua gulongesa!

Ndaga jidi mu video “Khala Hehi ha Gulongesa ‘Lukuma Luabonga lua Guhuima’—Khala Mutshita Yagasue ha Gusendesa Guta Maga nu Athu.” Phangi mumoshi wa mukhetu udi musendesa guta maga nu mukhetu mumoshi adi nenji hehi gu mesa mu restora.

Talesa VIDEO Khala Hehi ha Gulongesa ‘Lukuma Luabonga lua Guhuima’—Khala Mutshita Yagasue ha Gusendesa Guta Maga nu Athu. Gungima hula muhu wuwu walandula:

Ndaga itshi walonguga mu video eyi yajiya gugukuatesa ha gulongesa muabonga gula waheta okazio?

Mvutu

Ndaga eji jialandula jiajiya gugukuatesa ha gusendesa guta maga nu athu:

Tangua diagasue wakatuga gumbo diaye, kamba ba okazio ajiya guguhana njila ha gusundesa guta maga nu athu. Tshita gisambu mukunda nu ndaga yene. Toga Yehowa agukuatese ha guheta muthu wajiya gutshigina ha gugutegelela
Khala muzuela nu gusuaguluga guagasue nu gumonesa egi udi gudisagesa mukunda nu athu udi muta nawo maga. Kamba gujiya ndaga imoshi yatadila muthu muene yajiya gugukuatesa ha gutomba giamatshidia gia Biblia giajiya gumusuanguluisa
Gula luholo ludi guene, wajiya gumutoga numero ya telefone nu adrese enji
Ulebego muila gula maga enu adiangela guhua gutuama egi ulongese giamatshidia
Gungima dia guta maga nu muthu umubuitshigo mutshima. Ha gumonesa egi udi gudisagesa mukunda nu muthu muene, landula gumutumina lien idi nu verse ya Biblia nga longo didi mu jw.org

Phaga ndaga eyi: Gula muthu waguhula egi: ‘Udi gikhuatshi?’ muwambele ndaga imoshi mualonguga mu gudibungisa nga ndo ndaga wakalagala mu mudimo wa gulongesa.