6-12 MAI

NGIMBO 36-37

Lungimbo 87 nu Gisambu | Mbimbi jia Gisendeselo (Mun. 1)

UMONYI UDI MU MBIMBI YA NZAMBI

1. “Uvigo Khabu Mukunda nu Athu Abola”

(Min. 10)

Athu abola ana gutubatela malamba (Ngi 36:1-4; w17.04-F diyiji 10 par. 4)

Gubambela “athu abola” khabu mu mutshima guajiya gutubatela malamba (Ngi 37:1, 7, 8; w22.06 diyiji 10 par. 10)

Gusha mutshima gu ndaga jiatulayele Yehowa guana gutukuatesa ha gukhala mu guhuima (Ngi 37:10, 11; w03-F 1/12 diyiji 13 par. 20)

Phangi mumoshi wa mukhetu udi gudisagesa mukunda nu mene jidi mutanga muene mu telefone yenji. Udi mutala foto jia mbundudi, suta mumoshi udi muzula gabatshi’a kano, masuta ako adi muloza mata, muthu mumoshi udi nu uta, udi ha parking, nzangi jidi mubata ima akuyi, athu azola nguma fundo gamiyo gamoshi gatshitshi aksida.

DIHULE EGI: ‘Ngana balegesa tangua diavula ha gutegelela ndaga jiabola jidi mukalegewa ba?’

2. Ndaga jia Ndando jia mu Nyuma

(Min. 10)

Ngi 36:6—Yajiya gukhala egi muyimbi wa ngimbo watshiginyile guzuela itshi hazuelele muene egi gubonga gua Yehowa gudi gifua “milundu yakoma”? (it-2-F diyiji 340 par. 6)

Mvutu
Mu lutango lua Biblia lua phoso eyi, ndaga jitshi jia ndando jia mu nyuma wamonyi?

Mvutu

3. Lutango lua Biblia

(Min. 4) Ngi 37:1-26 (th longo 10)

YIKADIKILE MU MUDIMO WA GULONGESA

4. Gusendesa Guta Maga nu Athu

(Min. 3) INZO NU INZO. (lmd longo 1 gitshinyi 5)

5. Guvutugila Athu

(Min. 4) LONGESA GULA WAHETA OKAZIO. Toga ha gulonguga Biblia nu muthu munu watunyile thomo gulonguga Biblia. (lmd longo 9 gitshinyi 4)

6. Diskur

(Min. 5) ijwbv-F 45—Muto wa lumene: Ngimbo 37:4 Yana Kotelesa Itshi? (th longo 13)

MAKALEGELO A UKLISTO

Lungimbo 33

7. Wadilondega Gale Mukunda nu ‘Matangua a Lamba’ Ba?

(Min. 15) Lumene nu hungu.

Aphangi’etu a ha mavu a mudidi anatotesa ima yawo nu anafuisa athu ana zumba mukunda nu gudigita gua mavu, guhia gua ishitu nu guzala gua meya mu dimbo nu mukunda nu malamba athu ako ana guabatela. (Ngi 9:9, 10) Ndaga yene yajiya gubuila muthu wagasue, hene tudi naye gudilondega gutuama mukunda nu malamba ene.

Tudi naye gulondega ima yajiya gutukuatesa mu tangua dia lamba,a uvi itshi iko tuajiya gutshita ha gukolesela mu tangua diene?

Tudi naye gulondega matangi’etu: Tudi naye gujiya egi malamba anabua nu gutangiza ndaga tuajiya gutshita gula malamba ene atubuila. Ukhadigo musha matangi’aye agasue gu ima wana khala nayo. Gutshita ngenyi mbagugukuatesa ha gutshita ndaga nu gutema nu ha guzula badesizio abonga. Mbayigukuatesa nji ha gudibamba nu ha guzula monyo waye nu ndando gubalega ima udi nayo. (Gis 19:16; Ngi 36:9) Gula ushigo muhaga matangi aye agasue gu ima wana khala nayo, mbayigukuatesa ha gutuna guvua gikenene giavula gula watotesa ima yene mutangua dia lamba.—Ngi 37:19
Tudi naye gukolesa gutshigina guetu: Khala musha mutshima egi Yehowa udi nu ngolo nu nzala ya gugukuatesa. (Ngi 37:18) Gutuama egi lamba dibue, khala mutangigiza muavula luholo Yehowa mbawutuameza nu mbawukuatesa akombeledi enji, ngatshima tuahuluisa phamba monyo wetu. —Yel 45:5; Ngi 37:23, 24

Gula tudi musha mutshima egi Yehowa mbawutagenesa ndaga jiatulayele muene, muene mbawukhala ‘fundo dietu dia gulengela mu tangua dia lamba.’—Ngi 37:39.

Foto: Ndaga jidi mu video “Wadilondega Gale Mukunda nu Lamba Diajiya Gubua mu Gisagumuisa Ba?” 1. Phangi mumoshi wa yala udi mutanga Biblia. 2. Muhehe wakola. 3. Tuta diabuita gosa. 4. Athu adi mukatula ima yawo mu meya.

Talesa VIDEO Wadilondega Gale Mukunda nu Lamba Diajiya Gubua mu Gisagumuisa Ba? Gungima hula mihu eyi:

Luholo lutshi Yehowa wajiya gutukuatesa mu tangua dia lamba?

Mvutu
Ndaga jitshi tudi naye gutshita ha gudilondega?

Mvutu
Luholo lutshi tuajiya gukuatesa athu atagana nu malamba?

Mvutu

8. Gulonguga gua Biblia mu Hungu

(Min. 30) bt-F mukh. 9 par. 8-16

Mbimbi jia Gisugishilo (Min. 3) | Lungimbo 57 nu Gisambu

a Tala Réveillez-vous! No. 5 ya 2017 diyiji 4-6.