29 JUILLET–4 AOUT
NGIMBO 69
Lungimbo 13 nu Gisambu | Mbimbi jia Gisendeselo (Mun. 1)
1. Mukanda wa Ngimbo 69 Wadiangele Guzuelela Ndaga Jiatadila Monyo wa Yesu
(Min. 10)
Yesu gatshitshilego nga ndaga imoshi yabola uvi athu amutunyile (Ngi 69:4; Yon 15:24, 25; w11-F 15/8 diyiji 11 par. 17)
Yesu wakhalele nu gikhesa mukunda nu inzo ya Yehowa (Ngi 69:9; Yon 2:13-17; w10-F 15/12 diyiji 8 par. 7-8)
Yesu wamonele lamba diakola, amuhanele nji vinyo yakhalele yagubungisa nu ima yalula (Ngi 69:20, 21; Mat 27:34; Luk 22:44; Yon 19:34; g95-F 22/10 diyiji 31 par. 4; it-2-F diyiji 600 par. 1)
MUHU WA GUTANGIGIZA: Mukunda natshi Yehowa wasonegesele profesi jiatadila Masiya mu Gitshinyi gia Biblia Giasonegewe mu Hebelu?
2. Ndaga jia Ndando jia mu Nyuma
(Min. 10)
Ngi 69:30, 31—Luholo lutshi verse eji jiajiya gutukuatesa ha gulondega isambu yetu muabonga gubalega? (w99-F 15/1 diyiji 18 par. 11)
Mu lutango lua Biblia lua phoso eyi, ndaga jitshi jia ndando jia mu nyuma wamonyi?
3. Lutango lua Biblia
(Min. 4) Ngi 69:1-25 (th longo 2)
4. Khala nu Guhuiminyina—Itshi Yesu Watshitshile?
(Min. 7) Lumene nu hungu. Talesa VIDEO, gungima zuelelenu ndaga jidi mu gamukanda lmd longo 8 gitshinyi 1-2.
5. Khala nu Guhuiminyina—Landula Gifezegeselo gia Yesu
(Min. 8) Zuelelenu ndaga jidi mu gamukanda lmd longo 8 gitshinyi 3-5 nu gitshinyi “Tala Nji.”
Lungimbo 134
6. Milonga ya Gulondega mu Hungu
(Min. 5)
7. Ndaga Jiajiya Gumikuatesa ha Gutshita Gukombelela gua mu Fami Muabonga
(Min. 10) Lumene nu hungu.
Mu Janvier 2009, gudibungisa guakhalele mutamegewa egi étude de livre de la congrégation nu Khalasa dia Mudimo wa Teokrasi nu Gudibungisa gua Mudimo guabungishiwe hamoshi, guana kalegewa mbala imoshi mukhatshi dia phoso. Ndaga yene yakuatesele fami jiavula ha gutomba lusugu lumoshi mukatshi dia phoso ha gukalagala Gukombelela gua mu Fami mu ngueze. Aphangi avula asuangulugile nu ndaga yene, azuelele egi yaakuatesele ha gukhala mu gudivua guabonga mu fami nu ha gukolesa ufuta wawo nu Yehowa.—Mikh 6:6, 7.
Malongo atshi ajiya gukuatesa fumu wa fami ha gutuameza Gukombelela gua mu Fami mu luholo luabonga hagula muthu wagasue wajiya gukhala nu gusuanguluga?
Khalenu guyitshita phoso nu phoso. Gula luholo ludi guene, tomba lusugu lumoshi mukatshi dia phoso lunu mbamukhala mutshita gukombelela guene. Tomba nji lusugu luko muajiya gukalagala gukombelela guene gula muahetelego tangua dia gukalagala mu lusugu muatombele
Khalenu gudilondega. Khala gudivua nu mukaji’aye mu ndaga muajiya guzuelela, matangua ako khala nji muhula an’aye matangi awo. Gula muana khala nu khadilo dia gukalagala ndaga jia luholo lumoshi mukatshi dia phoso, gudilondega guajiyilego gumizula tangua diavula
Khalenu muzuelela ndaga mudi mutagana najio. Tangua ana adi mukula, matangi awo nu ndaga ana khala najio funu jiana sombegesa. Hene, ndaga mudi mutomba jidi naye gukuatesa muthu wagasue mu fami ha gukula mu nyuma
Khalenu mutshita Gukombelela gua mu Fami nu gusuanguluga nu guzumba guagasue. Matangua ako, muajiya guya mukalegela gukombelela guenu hanze gula guma gudi guabonga. Gula luholo ludi guene, muajiya guhuima ndambo gungima muvutugila luko. Idi yadiago egi guzuelela ndaga jidi mutagana najio muthu wagasue mu Gukombelela gua mu Fami guakhala nu ndando, uvi mushigo naye gukalegela okazio wene ha gubalela nga gudingila athu nga ndo ha guahana disipline
Khalenu muzuelela ndaga jia gudisha. Ha gufezegesa, mu ngueze yene imoshi muajiya gulondega gudibungisa gua mu hungu; muajiya nji gutala video imoshi ya mu jw.org, gungima muyizuelela; muajiya nji gutshita ba demostrasio adi mumonesa luholo lua gukalagala ndaga mu mudimo wa gulongesa. Ikhale mbala jiavula Gukombelela gua mu Fami guana toga egi muthu wagasue azuele, uvi matangua ako muthu wagasue mu fami wajiya gutshita gulonguga guenji hakhenji
Zuelelenu muhu owu:
Luholo lutshi muana kalegela malongo awa mu gukombelela guenu gua mu fami?
8. Gulonguga gua Biblia mu Hungu
(Min. 30) bt-F mukh. 13 par. 8-16, nu galuanda ha diyiji 105