2-8 SEPTEMBRE
NGIMBO 79-81
Lungimbo 29 nu Gisambu | Mbimbi jia Gisendeselo (Mun. 1)
1. Monesa Guzumba Mukunda nu Jina dia Yehowa dia Lutumbu
(Min. 10)
Ukalagalago nga ndaga imoshi yajiya gushingisa jina dia Yehowa (Ngi 79:9; w17.02-F diyiji 9 par. 5)
Khala mutamega jina dia Yehowa (Ngi 80:18; ijwbv-F diyiji 3 par. 4-5)
Yehowa mbawushimbiga diago athu adi gumutumagela nu adi munemesa jina dienji (Ngi 81:13, 16)
Hagula makalegelo etu atumbuise jina dia Yehowa, tudi naye gudijiyisa egi tudi Matemua a Yehowa ha fundo diagasue tudi
2. Ndaga jia Ndando jia mu Nyuma
(Min. 10)
Ngi 80:1—Mukunda natshi matangua ako akhalele mukalegela jina dia Yozefe ha guzuelela iphuta yagasue ya enya Isalele? (it-2-F diyiji 53 par. 2-3)
Mu lutango lua Biblia lua phoso eyi, ndaga jitshi jia ndando jia mu nyuma wamonyi?
3. Lutango lua Biblia
(Min. 4) Ngi 79:1–80:7 (th longo dia 10)
4. Gusendesa Guta Maga nu Athu
(Mun. 1) INZO NU INZO. Toga muthu muene ha gusendesa gulonguga n’enji Biblia. (lmd longo dia 4 gitshinyi gia 4)
5. Gusendesa Guta Maga nu Athu
(Min. 3) LONGESA GULA WAHETA OKAZIO. Toga muthu muene ha gusendesa gulonguga n’enji Biblia. (lmd longo dia 4 gitshinyi gia 3)
6. Gusendesa Guta Maga nu Athu
(Min. 2) GULONGESA HA FUNDO DIA ATHU AVULA. Toga muthu muene ha gusendesa gulonguga n’enji Biblia. (lmd longo dia 3 gitshinyi gia 3)
7. Guvutugila Athu
(Min. 5) INZO NU INZO. Gula muthu mumoshi watunyile lukuma luabonga uvi gungima watshigina, mutoge ha gusendesa gulonguga n’enji Biblia. (lmd longo dia 8 gitshinyi gia 3)
Lungimbo 10
8. ‘Mbaatumbuisa Jina Diami’
(Min. 15) Lumene nu hungu.
Satana wasendesele guzuela ndaga jiabola mukunda nu jina dia Yehowa mu dihia dia Edene. Sendese mu tangua diene, guwevewa gua jina dia Yehowa guabuile ndaga yabalega ndando gudi athu nu anjelo.
Tuzuelelenu ndaga jiazonda mukatshi dia ndaga jiabola jia mambo Satana wazuelele mukunda nu Yehowa. Wazuelele egi Yehowa udi fumu wa khuta, ganago guzumba athu. (Gis 3:1-6; Yobo 4:18, 19) Wazuelele nji egi akombeledi a Yehowa anago gumuzumba diago. (Yobo 2:4, 5) Watumile gale nji athu avula ha gutshigina egi Yehowa gashigo mufugi wa ima yagasue yabonga idi ha mavu.—Rm 1:20, 21.
Luholo lutshi wana gudivua mukunda nu mambo ene? Yajiya gukhala egi, wana tshigina guwambela athu ako egi ndaga jiazuelele Satana mukunda nu Yehowa jidi jia mambo! Yehowa wana jiya egi akombeledi enji ana tshigina gutumbuisa jina dienji. (Tala nji Yeshaya 29:23.) Luholo lutshi wajiya guyikalagala?
Kuatesa athu ako hagula ajiye Yehowa nu amuzumbe. (Yon 17:25, 26) Khala yagudilondega ha guwambela athu ako ndaga jiajiya guatshiginyisa egi Nzambi wana khala guene nu gualongesa makalegelo enji a gushimana.—Yesh 63:7
Zumba Yehowa nu mutshima waye wagasue. (Mat 22:37, 38) Ukhadigo mutumagela mikhuala ya Yehowa handaga idi yabonga mukunda nu aye uvi itumagele handaga wana tshigina gumusuanguluisa.—Ish 27:11
Talesa VIDEO Landula Gumonesa Guzumba . . . Ikhale Mafuta Aye a Khalasa Anago Gunemesa Mikhuala ya Nzambi. Gungima hula mihu eyi yalandula:
Luholo lutshi Ariel nu Diego alongesele jina dia Yehowa?
Ndaga itshi yaakuatesele ha gulongesa ndaga jiatadila Yehowa?
Luholo lutshi wajiya gulandula gifezegeselo giawo?