18-24 NOVEMBRE
NGIMBO 107-108
Lungimbo 7 nu Gisambu | Mbimbi jia Gisendeselo (Mun. 1)
1. ‘Hanenu Yehowa Mersi, Handaga Udi Wabonga’
(Min. 10)
Gifua luholo Yehowa wazolele enya Isalele mu uhiga gu Babilona, muene mbawutuhuluisa nji ha mavu awa a Satana (Ngi 107:1, 2; Kol 1:13, 14)
Khadilo dia guhana Yehowa mersi diana gututuma ha gumutumbuisa mukatshi dia hungu (Ngi 107:31, 32; w07-F 15/4 diyiji 20 par. 2)
Gula tudi mutangiza ndaga jiabonga jiatukalegele Yehowa, mbayitutuma ha gukudisa khadilo dia gumuhana mersi (Ngi 107:43; w15-F 15/1 diyiji 9 par. 4)
2. Ndaga jia Ndando jia mu Nyuma
(Min. 10)
Ngi 108:9—Mukunda natshi mavu a Moaba afuanesewa nu longa dia Nzambi dia guzuila meya? (it-2-F diyiji 303 par. 5)
Mu lutango lua Biblia lua phoso eyi, ndaga jitshi jia ndando jia mu nyuma wamonyi?
3. Lutango lua Biblia
(Min. 4) Ngi 107:1-28 (th longo dia 5)
4. Gusendesa Guta Maga nu Athu
(Min. 3) LONGESA GULA WAHETA OKAZIO. (lmd longo dia 1 gitshinyi gia 4)
5. Guvutugila Athu
(Min. 4) LONGESA GULA WAHETA OKAZIO. Wambela muthu luholo tuana longesa athu Biblia, gungima muhane karte gadi gumutoga ha gusendesa gulonguga Biblia. (lmd longo dia 9 gitshinyi gia 3)
6. Diskur
(Min. 5) g04-F 22/4 par. 7—Muto wa lumene: Wajiya Gubinga ha Gutadila Ndaga mu Luholo Luabonga (th longo dia 14)
Lungimbo 46
7. Tuana Yimba ha Guhana Yehowa Mersi
(Min. 15) Lumene nu hungu.
Tangua Yehowa wahuluishile enya Isalele ha mago a enya Ejipitu mu Kianga Giabenga, enya Isalele ayimbidile Yehowa lungimbo ha gumuhana mersi. (Guz 15:1-19) Mala asendesele guyimba lungimbo luene. (Guz 15:21) Yesu nu Aklisto a mu siekle ya thomo akhalele nji muyimba ha gutumbuisa Nzambi. (Mat 26:30; Kol 3:16) Esue nji tuana landula guhana Yehowa mersi tangua tuana gumuyimbila mu hungu, gu ba asamble a lusugu lumoshi nu a masugu thathu. Ha gufezegesa, lungimbo tuakatuga guyimba ludi nu muto wa lumene egi: “Merci, Jéhovah,” luana yimbiwa gale mu gudibungisa sendesa mu 1966.
Mu mafundo ako, mala ana vua musonyi ha guyimba ha fundo dia athu avula. Athu ako ajiya guleba muila ha guyimba handaga ana tangiza egi adi nu gidingishi nga ndo egi ashigo nu dijui diabonga. Uvi, tudi naye gujiya egi guyimba mu gudibungisa gudi mukatshi dia ndaga tuana kalagala ha gukombelela Yehowa. Ulondegi wa Yehowa wana tshita yagasue ha gulondega ngimbo jiabonga, nu gutomba jinyi jidi naye guyimbiwa mu gudibungisa guetu. Tangua tuana yimba hamoshi nu aphangi ako tuana monesa egi tuana zumba sh’etu wa mu dilu nu tuana gumuhana mersi.
Talesa VIDEO Zoom sur notre histoire : Les cantiques, des cadeaux précieux (2e partie). Gungima hula mihu eyi:
Ndaga itshi ya ndando yakalegewe mu 1944?
Luholo lutshi aphangi’etu a gu Sibérie amonesele egi ana zumba Yehowa mu luholo akhalele muyimba ngimbo jia Ufumu?
Mukunda natshi Matemue a Yehowa ana zula guyimba nu ndando yavula?
8. Gulonguga gua Biblia mu Hungu
(Min. 30) bt-F mukh. 18 par. 6-15