30 DECEMBRE–5 JANVIER

NGIMBO 120-126

Lungimbo 144 nu Gisambu | Mbimbi jia Gisendeselo (Mun. 1)

UMONYI UDI MU MBIMBI YA NZAMBI

Enya Isalele adi mukatula mbuto jiawo nu gusuanguluga. — Enya Isalele anyi azogele mu uhiga gu Babilona adi mukatula mbuto nu gusuanguluga handaga Yehowa washimbiga midimo yakola akalagala

1. Akunyile Mbuto nu Masoji gu Meso uvi Akatudile nu Gusuanguluga

(Min. 10)

Enya Isalele akhalele nu gusuanguluga tangua azogele mu uhiga gu Babilona ha guvutula luko gikombelelo gia giamatshidia (Ngi 126:1-3)

Yajiya gukhala egi enya Isalele anyi avutugile gu Yudea, adidile mukunda nu mudimo wakola akhalele naye gutshita (Ngi 126:5; w04-F 1/6 diyiji 16 par. 10)

Enya Isalele anyi akolesele, ahetele gishimbigo (Ngi 126:6; w21.11 diyiji 24 par. 17; w01-F 15/7 diyiji 18-19 par. 13-14; tala gifuanesa holu dia gizula)

Enya Isalele adi mutshita mudimo wakola wa gudima mavu. Yala mumoshi udi mukuna mbuto, muko udi mudima.

MIHU WA GUTANGIGIZA: Tangua mbatuhuluga gungima dia ita ya Alemagedona, malamba atshi ako mbatutagana nawo ha gulondega luko mavu? Gubonga gutshi mbatuheta?

2. Ndaga jia Ndando jia mu Nyuma

(Min. 10)

Ngi 124:2-5—Tuajiya gudifelela egi Yehowa atubambe gifua luholo luabambele muene enya Isalele ba? (cl-F diyiji 86 par. 15)

Mvutu
Mu lutango lua Biblia lua phoso eyi, ndaga jitshi jia ndando jia mu nyuma wamonyi?

Mvutu

3. Lutango lua Biblia

(Min. 4) Ngi 124:1–126:6 (th longo dia 5)

YIKADIKILE MU MUDIMO WA GULONGESA

4. Gusendesa Guta Maga nu Athu

(Min. 3) GULONGESA HA FUNDO DIA ATHU AVULA. (lmd longo dia 3 gitshinyi gia 5)

5. Guvutugila Athu

(Min. 4) INZO NU INZO. Tangua muatele maga nu muthu mu mbala ya thomo, wakhalele musha giphapha mukunda nu malongo a Biblia. (lmd longo dia 9 gitshinyi gia 5)

6. Gubuisa Athu Alandudi

(Min. 5) lff longo dia 16 nu mbimbi jia gisendeselo gitshinyi gia 1-3 (lmd longo dia 11 gitshinyi gia 3)

MAKALEGELO A UKLISTO

Lungimbo 155

7. Khala nu Gusuanguluga Mukunda nu Ndaga Jialayele Nzambi

(Min. 15) Lumene nu hungu.

Yehowa watagenesele ndaga jialayele muene enya Isalele anyi akhalele mu uhiga gu Babilona. Waahuluishile nu watotesele gubola guawo. (Yesh 33:24) Tangua akhalele muvutuga mu gifutshi giawo, Yehowa waabambele, wabambele nji shitu jiawo hagula khoshi nu shitu jiko jiabala jiashiyigo. (Yesh 65:25) Yajiya gukhala egi asuangulugile ha gujinga mu jinzo jiawo nu gudia mabundu a mitshi yawo ya vinyo. (Yesh 65:21) Nzambi washimbigile midimo yawo nu ajingile muavula.—Yesh 65:22, 23.

Ndaga jidi mu video “Khala nu Gusuanguluga Mukunda nu Mafelela ana Gutuhana Nzambi Atadila Guhuima—Gitshinyi” Foto: 1. Aphangi a mala nu a akhetu adi musuangula gubalegesa tangua hamoshi. 2. Gungima gudi mulundu nu gishitu. 3. Profete Danyele wafuzumuga, udi muwenda mu gishitu. 4. Yala mumoshi nu mukaji’enji adi muyamba mun’awo wa mukhetu wafuzumuga. 5. Longa dimoshi didi dia guzala nu mabundu nu mayiji a gudia. 6. Meya adi mulungumuga.

Talesa VIDEO Khala nu Gusuanguluga Mukunda nu Mafelela ana Gutuhana Nzambi Atadila Guhuima—Gitshinyi. Gungima hula mihu eyi:

Mu luholo lutshi tudi mumona gutagenesewa gua profesi eji?

Mvutu
Luholo lutshi profesi jiene mbajitagenesewa diago mu mavu ahe ahe?

Mvutu
Gutagenesewa gua profesi itshi wana nengena nu nzala yakola?

Mvutu

8. Gulonguga gua Biblia mu Hungu

(Min. 30) bt-F mukh. 20 par. 8-12 nu galuanda ha diyiji 161