17-23 MARS
ISHIMA 5
Lungimbo 122 nu Gisambu | Mbimbi jia Gisendeselo (Mun. 1)
1. Lenga Uthambi
(Min. 10)
Uthambi udi muheto wakola diago (Ish 5:3; w00-F 15/7 diyiji 29 par. 1)
Uthambi wajiya gubatela muthu malamba (Ish 5:4, 5; w00-F 15/7 diyiji 29 par. 2)
Lenga uthambi (Ish 5:8; w00-F 15/7 diyiji 29 par. 5)
Phangi mumoshi wa mukhetu udi mutuna guhana muvuala wa yala nimero yenji ya telefone
2. Ndaga jia Ndando jia mu Nyuma
(Min. 10)
Ish 5:9—Luholo lutshi uthambi wana katula muthu “ginemua”? (w00-F 15/7 diyiji 29 par. 7)
Mu lutango lua Biblia lua phoso eyi, ndaga jitshi jia ndando jia mu nyuma wamonyi?
3. Lutango lua Biblia
(Min. 4) Ish 5:1-23 (th longo dia 5)
4. Gusendesa Guta Maga nu Athu
(Min. 3) GULONGESA HA FUNDO DIA ATHU AVULA. Tamega muthu munu gakudilego mu fami ya Aklisto ha guza mu gudibungisa gua Guwunguluga Gufua gua Yesu, mukuatese ha gukalegela jw.org ha gujiya fundo gudibungisa guene mbagukalegewa hehi nu fundo diana khala muene. (lmd longo dia 6 gitshinyi gia 4)
5. Guvutugila Athu
(Min. 4) INZO NU INZO. Tangua muatele maga mu mbala ya thomo, muthu muene watshiginyile emvitasio ya Guwunguluga Gufua gua Yesu. (lmd longo dia 9 gitshinyi gia 5)
6. Gubuisa Athu Alandudi
(Min. 5) lff longo dia 16 gitshinyi, ndaga walonguga, mihu ya guvutugila nu desizio ngazula. Gula muthu udi mulonguga n’enji Biblia waguhula egi Yesu wazudile mukhetu mu ulo ba? Mukuatese ha gujiya luholo gajiya guheta mvutu. (lmd longo dia 11 gitshinyi gia 4)
Lungimbo 121
7. Tshitenu Yagasue ha Gutuna Gubua mu Gubola Tangua Mudi Guditala ha Gujiya Gula Muajiya Gudizula mu Ulo nga ndo
(Min. 15) Lumene nu hungu.
Tangua yala nu mukhetu ana khala mu sungi ya guditadila ha gujiya gula ajiya gudizula mu ulo nga ndo, ana balegesa tangua diavula dia guta maga ha gudijiya muabonga. Yajiya gukhala egi adi ha fundo dia athu avula nga ene hakhawo, nga ndo ajiya guwambela athu ako mulonga wene nga gutuna guawambela, nga ndo adi muta maga gu telefone nga gudisonegela ba mesaje. Sungi yene ishigo sungi ya gukena, uvi idi sungi ya ndando handaga yana bata gu ulo. Itshi yajiya gukuatesa muthu wagasue mukatshi dietu ikhale udi muvuala nga muthu wagukola ha gutuna gubua mu gubola tangua didi muene mu sungi yaguditala ha gujiya gula ajiya gudizula mu ulo nga ndo?—Ish 22:3.
Talesa VIDEO Gudilondega Mukunda nu Ulo—Ngudi Hehi ha Gusendesa Sungi Yaguditala ha Gujiya Gula Tuajiya Gudizula mu Ulo nga ndo? Gitshinyi gia 1—Gitshinyi. Gungima hula mihu eyi:
Mukunda natshi muthu udi mutshigina gusendesa sungi yaguditadila ha gujiya gula ajiya gudizula mu ulo udi naye gukhala ya gudilondega? (Ish 13:12; Luk 14:28-30)
Ndaga itshi ya gusuanguluisa mu luholo mvuaji jiakuatesa mun’awo wa mukhetu?
Tanga Ishima 28:26. Gungima hula mihu eyi:
Ndaga itshi yala nu mukhetu adi mutshigina gudizula mu ulo adi naye gutshita ha gutuna gubua mu gubola?
Mukunda natshi yala nu mukhetu adi mutshigina gudizula mu ulo adi naye gudianga guzuelela ndaga adi naye gutshita nu jinyi ashigo naye gutshita gifua gudikuata gu koko, gudihana beze nga ndaga iko?
Tanga Efeso 5:3, 4. Gungima, hula muhu owu:
Mu ndaga jitshi athu adi mutshigina gudizula mu ulo adi naye gumonesa gutema tangua adi muta maga gu telefone nga mu Internet?
8. Gulonguga gua Biblia mu Hungu
(Min. 30) bt-F mukh. 24 par. 1-6