9-15 JUIN
ISHIMA 17
Lungimbo 157 nu Gisambu | Mbimbi jia Gisendeselo (Mun. 1)
Muenya Isalele mumoshi nu mukaji’enji adi mudia mapha nu guhuima guagasue
1. Khala Mukamba Guhuima mu Ulo Waye
Min. 10)
Gula udi mutshita ngolo ha gubamba guhuima mu ulo waye, mbawuheta gubonga guavula (Ish 17:1; tala gifuanesa holu dia gizula)
Ukhadigo muvua khabu mukunda nu tundaga tuazonda-zonda (Ish 17:9; g-F 9/14 diyiji 11 par. 2)
Khala gudikanda (Ish 17:14; w08-F 1/5 diyiji 10 par. 6-diyiji 11 par. 1)
2. Ndaga jia Ndando jia mu Nyuma
(Min. 10)
Ish 17:24—Mu luholo lutshi ‘meso a muthu waheya ana tala uu nu gusuga ya mavu’? (it-2-F diyiji 432-433 par. 8)
Mu lutango lua Biblia lua phoso eyi, ndaga jitshi jia ndando jia mu nyuma wamonyi?
3. Lutango lua Biblia
(Min. 4) Ish 17:1-17 (th longo dia 10)
4. Gusendesa Guta Maga nu Athu
(Min. 3) LONGESA GULA WAHETA OKAZIO. (lmd longo dia 3 gitshinyi gia 5)
5. Gusendesa Guta Maga nu Athu
(Min. 4) GULONGESA HA FUNDO DIA ATHU AVULA. Toga muthu ha gusendesa gulonguga Biblia. (lmd longo dia 6 gitshinyi gia 4)
6. Diskur
(Min. 5) ijwbv-F longo dia 60—Muto wa Lumene: Mbimbi Jidi mu Ishima 17:17 Jidi Mukotelesa Itshi? (th longo dia 13)
Lungimbo 113
7. Kudisenu Makalegelo Ajiya Gumikuatesa ha Guta Maga mu Luholo Luabonga
(Min. 15) Lumene nu hungu.
Guta maga mu luholo luabonga guana kuatesa ha gukhala nu gusuanguluga mu fami. Gula athu agasue mu fami adi muta maga muabonga, mbayikhala yaleba ha gutagenesa mafelela awo nu gudikuatesa mu tangua dia lamba. (Ish 15:22) Itshi yajiya gumikuatesa ha guta maga muabonga mu fami?
Khalenu mubalegesa tangua hamoshi. (Mikh 6:6, 7) Tangua enya fami ana balegesa tangua hamoshi, ana kalagala ndaga jia mu nyuma hamoshi nu gutshita saga jia gubalegesela tangua hamoshi, ana bua diago mafuta akola nu ana gudihagela mutshima. Ana heta nji tangua diavula dia guta maga. Matangua ako, wajiya gubemba gutshita ndaga jiana gugusuanguluisa ha gutshita ndaga jidi musuanguluisa athu ako mu fami. Gutshita ngenyi mbagumikuatesa ha gukhala nu gusuanguluga mu fami yenu! (Fili 2:3, 4) Luholo lutshi muajiya gukalegela tangua dienu muabonga?—Ef 5:15, 16.
Talesa Video Kalagalenu Ndaga Jiana Bata Guhuima mu Fami—Khalenu Muta Maga Muavula. Gungima hula mihu eyi:
Luholo lutshi gukalegela telephone guajiya gubolesa luholo luenu lua guta maga mu fami?
Malongo atshi wazula mu video eyi mu ndaga yatadila luholo luabonga lua guta maga?
Khala mutegelela muabonga. (Yak 1:19) Mvuaji jiyenu egi an’enu ajiya gumiwambela luholo adi gudivua gula akotelesa egi mushigo guabalela nga guavila khabu gula amiwambela ndaga imoshi. Hene tshitenu ngolo hagula muvuigo khabu gula an’enu amiwambela ndaga jinyi muanago gutshita. (Ish 17:27) Ha fundo dia gusuga phamba ha guategelela, tshitenu ngolo ha gukotelesa ndaga adi muzuela nu luholo adi gudivua. Ngenyi mbamujiya ndaga jia guzuela ha guatulula mutshima nu guakuatesa nu guzumba guagasue.