20-26 OCTOBRE
MULONGESHI 9-10
Lungimbo 30 nu Gisambu | Mbimbi jia Gisendeselo (Mun. 1)
1. Khala nu Matangi Abonga Ikhale udi Mutagana nu Malamba
(Min. 10)
Tudi mujiya egi gula tuatagana nu malamba ishigo mukotelesa egi Yehowa gashigo musuanguluga nu esue (Mulo 9:11; w13-F 15/8 diyiji 14 par. 20-21)
Tudi mujiya egi malamba ana gutubuila handaga tudi ha mavu awa abola a Satana (Mulo 10:7; w19.09 diyiji 5 par. 10)
Tudi naye gusuanguluga nu ima yagasue yatuhanele Yehowa ikhale tudi mutagana nu malamba (Mulo 9:7, 10; w11-F 15/10 diyiji 8 par. 1-2)
2. Ndaga jia Ndando jia mu Nyuma
(Min. 10)
Mulo 10:12-14—Verse eji jidi gutulongesa itshi mu ndaga yatadila gufeta athu ako? (it “Bavardage, calomnie” par. 4 nu 8)
Mu lutango lua Biblia lua phoso eyi, ndaga jitshi jia ndando jia mu nyuma wamonyi?
3. Lutango lua Biblia
(Min. 4) Mulo 10:1-20 (th longo dia 11)
4. Gusendesa Guta Maga nu Athu
(Min. 3) GULONGESA HA FUNDO DIA ATHU AVULA. Ta maga nu muthu udi nu gikenene. (lmd longo dia 3 gitshinyi gia 4)
5. Gusendesa Guta Maga nu Athu
(Min. 4) LONGESA GULA WAHETA OKAZIO. Longesa muthu waguwambela egi udi gudisagesa mukunda nu lamba dia makuta longo dimoshi mukatshi dia “Malongo a Biblia Tuana Zumba Gulongesa” adi mu appendice A mu gamukanda Zumba Athu. (lmd longo dia 4 gitshinyi gia 4)
6. Gubuisa Athu Alandudi
(Min. 5) lff longo dia 17 nu gitshinyi ndaga walonguga, mihu ya guvutugila nu desizio wazula. (lmd longo dia 12 gitshinyi gia 3)
Lungimbo 47
7. Yehowa Mbawugukuatesa Gula Watagana nu Lamba
(Min. 15) Lumene nu hungu.
Tuana tagana nu malamba lusugu nu lusugu. Uvi tuana tagana nji nu malamba ako mu gisagumuisa; malamba ene ajiya gutshita egi tumone gifua tushigo nga nu ndaga ya gutshita nu tushigo nu luholo lua guakolesela. Itshi yajiya gutukuatesa ha gukolesela mu malamba ene?
Ikhale tudi mutagana nu malamba a luholo lutshi, Yehowa mbawulandula gutukuatesa. (Yesh 33:6) Udi gutuwambela ha gukhala nu matangi abonga; udi nji gutulaya egi gula tuatshita ngenyi muene mbawutukuatesa. (Ish 11:2) Hene, gula tudi mutagana nu lamba dimoshi, tudi naye guzula tangua diavula dia gutangigiza ha guzula badesizio abonga, ha gudikuatesa nu gukuatesa athu tuana zumba nu guzula tangua dia gudila nga dia gukenenesa mutshima. (Mulo 4:6)
Yehowa wana toga akombeledi enji ha gudikuatesa; gishina giene, tudi naye gukhala hehi ha gutshigina ukuateshi nga guwutoga. Ujimbilago egi aphangi aye a Aklisto ana guguzumba muavula, ana khala nji nu gusuanguluga ha gugukuatesa.
Tanga 2 Kolinto 4:7-9. Hula muhu owu:
Itshi yajiya gutukuatesa ha gulandula gutshita ndaga jia mu nyuma ikhale tushigo nu ngolo jia gujitshita?
Talesa VIDEO Yehowa Wana Khala Hehi nu Athu Adi nu Gikenene. Gungima hula mihu eyi:
Luholo lutshi Yehowa wakuatesele phangi Septer nu mukaji’enji?
Luholo lutshi aphangi aakuatesele?
Longo ditshi wazula mu lumene luawo?