Ifuanesa Yajiya Gugukuatesa ha Guwunguluga Ndaga wa Longuga

Yana khala ndo yaleba tangua diagasue ha guwunguluga ndaga walonguga. Uvi yakhala yaleba ha guwunguluga malongo a Yesu, handaga wakhalele mulongesa mu ifezegeselo nga mu mbimbi jia ifuanesa. Tuajiya gumona mu matangi ndaga jiakhalele mulongesa Yesu, ngenyi jiajiya gutukuatesa ha guwunguluga ndaga jialongesele muene. Luholo lumoshi nji wajiya guwunguluga ndaga watangi, gula udi mutshita yagasue ha gumona mu matangi luholo ndaga jiene jiabalegele. Luholo lutshi wajiya guyitshita? Gula udi mukalegela ifuanesa idi gudivua nu ndaga watangi.

Gukalegela ifuanesa ha gulonguga ndaga jihe-jihe yana gukuatesa athu ha guwunguluga muabonga ndaga alonguga. Ifuanesa yene yana guakuatesa nji ha wunguluga muabonga mbimbi nu matangi a ndando. Ifuanesa yene nji yana khala yaleba ha gukotelesa. Gukalegela ifuanesa guana kuatesa nji athu agukola ha guwunguluga ndaga alonguga.

Aye nji tangua mbawulonguga, wajiya guphaga ha gukalegela ifuanesa idi gudivua nu ndaga walonguga. Mbawudihula diago luholo mbawunguluga ndaga jiavula!