Longi dia 13

Wanga Nu Midimo Ya Maji Idi Ima Yabola

Satana umutshigina egi aye usadila maji. Athu avula anuhana milambu gua malemba awo afilegale nga gu ivule mukunda nu gudibamba ale gumona malamba ndo. Anukita ndaga jiji mukunda anuvua woma wa ngolo jia givule gia gifutshi. Anusudiga ngenze nga sele jia maji. Anu nua nga gusudiga “ihemba” mu muila wawo mu matangi egi adi nu ngolo jia maji. Mu inzo yawo nga hashia mavu a inzo, athu ako anuvumbiga ima yanukwikila egi idi nu ngolo jia guabamba. Ako anusalela “ihemba” ya maji mukunda anukwikila egi mba yabatela gubonga mu midimo yawo ya mimbungu, izame ya nzo ya mikanda, nga gutuama dia manzuji.

Gudibamba guaye gua Satana gudi guzula Yehowa gifua futa diaye. Yehowa Nzambi nu anjelo enji abalega gualeha ngolo jia Satana nu ndele jienji. (Yakobo 2:19; Yatuwuwe 12:9) Yehowa ganukingago hagukwatesa athu anumutshigina nu mitshima yawo yagasue​—athu wanyi anumulemvugila diago.​—2 Gudilanduluila 16:9.

Mbimbi ya Nzambi imuzuela egi: “Mutshitshiilago wanga.” Yehowa wanutuna wanga nu midimo ya wanga mukunda athu anuikita alenda gudihana mbala ingoshi gu ngolo jia Satana Diabulu.​—Levi 19:26.