GITSHINYI 8

Gufua Gua Yesu Gudi Mukotelesa Itshi Mukunda N’eye?

Yesu wafile ha gutuhua monyo. Yone 3:16

Akhetu adi mutala ndumba ya Yesu ya githuhu

Ilumbu itatu hangima gua gufua gua Yesu, akhetu ajile mutala ndumba yenji ayisangele ya gituhu. Yehowa wazugishile Yesu mu gufua.

Yesu wamonega gudi apostolo enji, gungima wakanduga gosa mu dilu

Hangima, Yesu wadimonesele gudi atumiwi’enji.

Yadyago, Yehowa wafuzumuine Yesu nunji wamubushile gifugi gia givule ginyi ngianugufua ndo. Alandudi a Yesu amumuenene hakhalele mukanduga mu dilu.

Nzambi wafuzumuishile Yesu nunji wamuhagele Fumu wa Ufumu wa Nzambi. Danyele 7:13, 14

Yesu udi ha nguasa ya Ufumu, udi muhinyina athu mu phaladiso ha mavu

Yesu wahanene monyo wenji hagufuta giba gia gukula athu. (Matayo 20:28) Mu njila ya giba giene, Nzambi watuzuludile njila ya gujinga ivuo nu ivuo.

Yehowa watombele Yesu ha gukhala Mfumu wonu mba uhinga holu dia mavu. Mbauhinga nu athu 144 000 adi muzugishiwa ha mavu hagujinga mu dilu. Uhinyinyi wa mu dilu nga Ufumu wa Nzambi udi hamago’a Yesu nu alandudi 144 000.—Yatuwuwe 14:1-3.

Ufumu wa Nzambi mbaubalumuna mavu abwe paladisu. Ita, gushiya athu, uphutu, nu nzala mbaikhadi luko ndo. Athu mba akhala dyago mu gusuanguluga.—Ngimbo 145:16.