Mbimbi jia Gisendeselo jia Gitshinyi gia 8

Yehowa wahanele Salomo ndunge jiavula, wamuhanele nji luendu lua gutunga tempelo. Uvi gungima Salomo wambelele gukombelela Yehowa. Gula udi mvuaji, kuatesa mun’aye ha gukotelesa luholo athu anyi akhalele mukombelela nzambi jia mambo atumile Salomo ha gutuna Nzambi. Gungima ufumu wakhaphumuiwe. Mafumu abola atumine athu ha gutshigina malongo a mambo nu ha gukombelela isongo. Mu sungi yene, akhalele musagesa baprofete avula a Yehowa nu guashiya. Fumu Mukhetu Yezabele wanginyishile nji Apostazi mu ufumu wa gu nord. Yakhalele diago tangua dia lamba mukunda nu gifutshi gia Isalele. Uvi guakhalele nji nu athu ako akhalele ya gujinginyina gudi Yehowa gu Isalele, gifua Fumu Yosafata nu profete Eliya.