Felela dia Nzambi Mukunda nu Athu Didi Itshi?

Biblia yana zuela egi monyo wa athu ‘udi wahihia, waguzala pha nu malamba.’ (Yobo 14:1) Nzambi watshiginyile egi tukhale nu monyo wa luholo elu ba? Gula ishigo ngenyi, felela dienji mukunda nu esue didi itshi? Felela diene mbaditagenesewa ba? Tutadile mvutu yabonga idi muhana Biblia.

1. Yehowa wana tshigina egi tukhale nu monyo wa luholo lutshi?

Yehowa wana tshigina egi tukhale nu monyo wabonga. Hafugile muene athu a thomo Adama nu Eva, waahagele mu phaladiso yabonga, mu gilanga gia Edene. Gungima “Nzambi waasuanguluishile, waawambelele egi: ‘Vualenu ana mudivudise, zalesenu mavu nu muahinyine.’” (Gisendeselo 1:28) Yehowa watshiginyile egi avuale ana, abuise mavu agasue phaladiso nu abambe shitu. Felela dienji diakhalele egi athu agasue akhale nu sante yabonga nu akhale nu monyo mayilago

Ndaga jiakalegewego gifua luholo Nzambi wakhalele mutshigina,a uvi felela dienji diasombegeselego. (Yeshaya 46:10, 11) Muene wana tshigina egi athu ana gumutumagela ahete monyo wa mayilago, akhale nji muabonga.​—Tanga Gumonesa 21:3, 4.

2. Luholo lutshi tuajiya gukhala nu monyo wabonga mangino?

Yehowa watufugile nu “funu ya utuameji wa Nzambi,” yakotelesa egi tuana khala nu nzala ya gumujiya nu gumukombelela. (Tanga Matayo 5:3-6.) Muene wana tshigina egi tukhale nu ufuta wabonga n’enji, ‘tulandule njila jienji, tumuzumbe,’ nu tumukalegele “nu mutshima [wetu] wagasue.” (Mikhuala 10:12; Ngimbo 25:14) Gula tuatshita ngenyi, tuajiya gukhala nu gusuanguluga ikhale tudi mutagana nu malamba. Gukombelela Yehowa guana gutukuatesa ha gukhala muabonga handaga tuana tshita ndaga jiana gumusuanguluisa.

3. Yehowa udi nu felela diabonga mukunda nu athu

Tala VIDEO, gungima zuelelenu muhu owu walandula.

VIDEO: Mukunda Natshi Nzambi Wafugile Mavu?​—Gitshinyi (1:41)

• Mukunda natshi Nzambi wafugile mavu?

Tanga Mulongeshi 3:11, gungima zuelelenu muhu owu:

• Ndaga eyi idi gugulongesa itshi mukunda nu Yehowa?

4. Felela dia Yehowa diasombegeselego

Tanga Ngimbo 37:11, 29 nu Yeshaya 55:11, gungima zuelelenu muhu owu:

• Luholo lutshi tudi mujiya egi felela dia Yehowa mukunda nu athu diasombegeselego?

5. Gukombelela Yehowa guana gutukuatesa ha gukhala nu gusuanguluga mu monyo wetu

VIDEO: Ngakotelesele Muabonga Gishina Tuana Khala nu Monyo (5:03)

• Gubonga gutshi Terumi wahetele tangua diajiyile muene gishina tuana khala nu monyo?

Tanga Mulongeshi 12:13, gungima zuelelenu muhu owu:

• Itshi tudi naye gutshita ha guhana Nzambi mersi mukunda nu ndaga jiavula jiatshitshile muene mukunda nu esue?

NDAGA WALONGUGA

Yehowa udi mutshigina egi tuhete monyo wa mayilago, tukhale nji muabonga ha mavu. Tangua tuana gumukombelela nu mutshima wetu wagasue, tuana heta gusuanguluga mu monyo wetu sendese mangino.

Mihu ya Guvutugila

• Felela dia thomo dia Yehowa mukunda nu Adama nu Eva diakhalele itshi?

• Luholo lutshi tudi mujiya egi felela dia Nzambi mukunda nu athu khenji diasombegeselego?

• Luholo lutshi tuajiya gukhala nu gusuanguluga mu monyo wetu?

NDAGA JIKO JIA NDANDO

Tala ndaga jidi mumonesa egi gilanga gia Edene giakhalele diago guene.

“Le jardin d’Éden​—Un mythe?” (Inzo Yaleha ya Mutaledi ya 1 Janvier 2011 ya français)

Longuga ha gujiya mukunda natshi tudi mutshigina diago egi mavu mbaashigo mushiyiwa.

“La terre sera-t-elle détruite?” (Longo edi didi mu jw.org)

Tala ndaga Biblia yana zuela mu ndaga yatadila guheta gusuanguluga mu monyo waye.

“Quel est le sens de la vie?” (Longo edi didi mu jw.org)

Tanga longo edi ha gumona yala mumoshi wakhalele mutangiza egi wakhalele nu ima yagasue, uvi wahetele gima gimoshi gakhalelego nagio.

Henyaha Ngudi nu Gusuanguluga mu Monyo Wami (3:55)