Ufumu wa Nzambi udi Itshi?

Ndaga yabalega ndando yana longesa Biblia idi Ufumu wa Nzambi. Yehowa mbawutagenesa felela dienji dia thomo mukunda nu mavu mu njila ya Ufumu wene. Ufumu wa Nzambi udi itshi? Luholo lutshi tudi mujiya egi Ufumu wene wana hinyina mangino? Ndaga jitshi Ufumu wene watagenesele gale? Ndaga jitshi Ufumu wene mbawutshita mu masugu adi muza? Mbatuheta mvutu jia mihu eyi mu longo edi nu mu malongo ako mbadi alandula.

1. Ufumu wa Nzambi udi itshi? Nanyi udi Fumu ya Ufumu wene?

Ufumu wene udi guvernema unu Yehowa Nzambi wahagele. Fumu ya Ufumu wene udi Yesu Klisto, wana hinyina mu dilu. (Matayo 4:17; Yone 18:36) Biblia yana zuela mukunda nu Yesu egi: “Muene mbawuhinyina gifua Fumu . . . mayilago.” (Luka 1:32, 33) Luholo Yesu udi Fumu ya Ufumu wa Nzambi, mbawuhinyina athu agasue ha mavu.

2. Akuatshi ana hinyina nu Yesu?

Yesu gana hinyina ndo hakhenji. Athu a “iphuta yagasue, a mazuelelo agasue, a ilema yagasue nu a ifutshi yagasue . . . adi naye gubua mafumu ha guhinyina mavu.” (Gumonesa 5:9, 10) Athu guvula gutshi mbaahinyina nu Klisto? Sendese tangua Yesu wajile ha mavu, ba milio a athu abuile gale alandudi enji. Uvi phamba athu 144 000 mukatshi diawo mbaaya muhinyina nu Yesu mu dilu. (Tanga Gumonesa 14:1-4.) Aklisto ako agasue ha mavu mbaakhala goshia uhinyinyi wa Ufumu wene.​—Ngimbo 37:29.

3. Mukunda natshi Ufumu wa Nzambi udi wabonga gubalega baguvernema a athu?

Ikhale mafumu a ha mavu awa ana tshita ngolo ha gutshita ndaga jiabonga, uvi ana khala ndo nu ngolo jia gutagenesa ndaga jiagasue adi mutshigina. Matangua ako ajiya guakatula mu ufumu, ahagi athu anyi ashigo nu matangi abonga ha gukuatesa athu ako. Uvi Yesu, Fumu ya Ufumu wa Nzambi mbagashigo mukatudiwa. Nzambi wahagele ‘ufumu unu mbawushigo mushiyiwa nga hazonda.’ (Danyele 2:44) Yesu mbawuhinyina mavu agasue, mbagashigo nji muzula athu amoshi nu ndando yavula gubalega athu ako. Muene wana khala nu guzumba, nu gisemo, nu wana khala muthu wabonga; mbawulongesa nji athu ha gukalegela athu ako ndaga nu guzumba, nu gisemo, nu mu luholo luabonga.​—Tanga Yeshaya 11:9.

4. Guvernema wa ngolo mbawuhinyina mavu agasue

Yesu Klisto udi nu ngolo jiavula gubalega mafumu agasue a athu ana hinyina ha mavu. Tanga Matayo 28:18, gungima zuelelenu muhu owu:

• Gudisha gutshi gudi mukatshi dia ngolo jidi najio Yesu ha gutuameza nu ngolo jia mafumu a athu?

Baguvernema a athu ana sombegesa, fumu yagasue wana tuameza gitshinyi gimoshi gia mavu. Uvi itshi tuajiya guzuela mukunda nu Ufumu wa Nzambi? Tanga Danyele 7:14, gungima zuelelenu mihu eyi:

• Mukunda natshi idi ndaga yabonga luholo Ufumu wa Nzambi “mbawushigo mushiyiwa”?

• Mukunda natshi idi yabonga egi Ufumu wa Nzambi mbawuhinyina mavu agasue?

5. Ufumu wa athu udi naye gukatudiwa

Mukunda natshi Ufumu wa Nzambi mbawukatula baguvernema a athu? Tala VIDEO, gungima zuelelenu muhu owu walandula.

VIDEO: Ufumu wa Nzambi udi Itshi?​—Gitshinyi (1:41)

• Malamba atshi baguvernema a athu ana batela athu?

Tanga Mulongeshi 8:9, gungima zuelelenu mihu eyi:

• Udi mutangiza egi Ufumu wa Nzambi udi naye gusugisa baguvernema a athu ba? Mukunda natshi?

6. Atuameji a Ufumu wa Nzambi ana gutukotelesa

Fumu wetu Yesu wajiya “gutuvila khenda mu gubola guetu” handaga wajingile gifua muthu ha mavu. (Hebelu 4:15) Yehowa watombele mala nu akhetu a gujinginyina 144 000 a “iphuta yagasue, a mazuelelo agasue, a ilema yagasue nu a ifutshi yagasue” ha guhinyina nu Yesu.​—Gumonesa 5:9.

• Ndaga eyi idi guguhana gikhesa ha gujiya egi Yesu nu athu agasue mbaahinyina n’enji ana jiya muabonga malamba a athu ba? Mukunda natshi?

7. Ufumu wa Nzambi udi nu mikhuala yabonga gubalega ya athu

Mafumu a baguvernema ana tangiza egi mikhuala yawo yana batela athu awo gubonga nu yana guabamba. Ufumu wa Nzambi nji wana khala nu mikhuala yinyi athu enji adi naye gutumagela. Tanga 1 Kolinto 6:9-11, gungima zuelelenu mihu eyi yalandula:

• Udi mutangiza egi nga athu agasue ana landula mikhuala ya Nzambi nga mavu adi gikuatshi mangino?a

• Udi mutangiza egi idi ndaga yabonga egi Yehowa atoge athu a mu Ufumu wenji ha gutumagela mikhuala yenji ba? Mukunda natshi?

• Itshi idi mumonesa egi athu anyi ana tuna gutumagela mikhuala ya Nzambi ajiya gusombegesa?​—Tala verse 11.

NDAGA WALONGUGA

Ufumu wa Nzambi udi guvermena wa giamatshidia wa mu dilu unu mbawuhinyina mavu agasue.

Mihu ya Guvutugila

• Akuatshi adi mafumu a Ufumu wa Nzambi?

• Luholo lutshi Ufumu wa Nzambi wabalega baguvernema a athu?

• Ndaga jitshi Yehowa wana toga athu a Ufumu wenji ha gutshita?

NDAGA JIKO JIA NDANDO

Tala ndaga jialongesele Yesu mukunda nu fundo diana khala Ufumu wa Nzambi.

“Le royaume de Dieu est-il dans votre cœur?” (Longo edi didi mu jw.org)

Mukunda natshi Matemue a Yehowa ana mona egi gusala ya gujinginyina gu Ufumu wa Nzambi gudi nu ndando gubalega gukhala ya gujinginyina gu ufumu wa athu?

Asalele ya Gujinginyina gu Ufumu wa Nzambi (1:43)

Longuga ndaga Biblia yana zuela mukunda nu athu 144 000 anyi Yehowa watombele ha guhinyina nu Yesu.

“Qui va au ciel?” (Longo edi didi mu jw.org)

Itshi yatshiginyishile mukhetu mumoshi egi phamba Nzambi wajiya gutuameza mavu muabonga?

“J’ai découvert la solution à l’injustice” (Réveillez-vous! ya Novembre 2011)