Khala Muzuela Ndaga Jidi Musuanguluisa Athu Ako

Itshi Yesu Watshitshile?

VIDEO: Yesu nu Mukhetu Mumoshi gu Wina dia Meya

1. Tala VIDEO, nga ndo tanga Yone 4:6-9. Gungima hana mvutu gu mihu eyi:

1. Itshi Yesu watshitshile gutuama egi asendese guta maga nu mukhetu muene?

2. Yesu wazuelele egi: “Nguhane meya a gunua.” Mukunda natshi tudi muzuela egi yakhalele luholo luabonga lua gusendesa guta maga?

Longo Ditshi Tuazula mu Gifezegeselo gia Yesu?

2. Tuajiya guta maga nu muthu muabonga gula tuasendesa nu ndaga idi gumusuanguluisa.

Landula Gifezegeselo gia Yesu

3. Ukhadigo Muenya Ndaga Jiakola. Ukhadigo musendesa guta maga nu athu phamba mu ndaga jinyi walondega mu matangi aye. Sendesa nu ndaga jinyi athu adi mutangiza masugu awa. Dihule egi:

1. ‘Ndaga jitshi jihe-jihe athu adi muzuelela masugu awa?’

2. ‘Itshi athu tudi nawo hehi, mafuta a mudimo nga mafuta a khalasa adi mutangiza gu ndaga yene?’

4. Khala mutala muabonga. Dihule egi:

1. ‘Ndaga itshi muthu muene udi mutshita? Itshi diago adi mutangiza gu ndaga yene?’

2. ‘Milele ya muthu muene nu luholo luenji lua gulonda muila, nga inzo yenji idi mumonesa egi udi muenya gikombelelo nga kutime itshi?’

3. ‘Didi tangua diabonga dia guta n’enji maga nga ndo?’

5. Khala mutegelela.

1. Ukhadigo muzuela muavula.

2. Toga muthu muene ha guhana matangi enji. Gula luholo ludi guene, hula mihu.