Ndaga Jiatadila Athu Adi gu Asamble

ATHU ADI MUYAMBA ATHU Aphangi adi mutshita mudimo wa guyamba athu, adi guene mukunda nu gugukuatesa. Tudi gugutoga ha gutumagela ndaga adi guguwambela mukunda nu parking nu luholo lua gungina nu lua guzoga ha fundo dia asamble nu lua gukuata mafundo a gukhala nu ndaga jiko.

GUBATIJIWA Mafundo a athu adi mutshigina gubatijiwa adi gutuama, ha sambua dia estrade. Athu adi mutshigina gubatijiwa adi naye gukhala mu mafundo ene gutuama egi diskur dia gubatijiwa disendese mu lusugu lua Samano gutuama dia midi. Muthu wagasue udi naye guza nu sume yenji nu mulele wabonga wa gusudiga mu tangua dia gubatijiwa.

MISOMO Ha gulondega asamble awa muabonga, tuatshitshi ndaga jiavula ha guheta mafundo abonga a gukhala, ha gulondega sono, nu ima ya gutalesa video, nu ndaga jiko. Ima eyi yana gutukuatesa ha gulandula asamble muabonga nu ha gusuena hehi nu Yehowa. Misomo muana hana nu mutshima umoshi yana kuatesa mukunda nu badepanse atshitshiwa nu mu midimo ya ufumu yana kalegewa ha mavu a mudidi. Hene, kese jia misomo jiahagewa jiavula ha fundo edi dia asamble. Wajiya nji guhana musomo mu Internet donate.jw.org. Tudi musuanguluga nu misomo yagasue muajiya guhana. Hunji dia Akulu Atuameji didi gumihana mvudi yavula luholo muana gukuatesa midimo ya Ufumu hagula iye gutuama.

UKUATESHI WA MINGANGA Jiyenu egi udi phamba ukuateshi wa thomo wa phushi-phushi.

IMA YATOTSHI Gula wamona gima, uvi ushigo mujiya fumi’a nagio, udi naye gugibata gu biro dia Ima Yatotshi, Yamonega. Gula watotesa gima gimoshi, tudi gugutoga ha guya gugikamba gu biro diene. Gula ana atota, nga ndo adi mulaba guwenda mvuaji ndo, tudi naye guya nawo gu biro diene. Uvi, hagula tuhanyigo athu ako lamba, tudi mutoga mvuaji ha gukhala fundo dimoshi nu an’awo ha guabamba.

MAFUNDO A GUKHALA Tuagutoga ha gunemesa athu ako. Jiya egi, udi naye gubamba fundo phamba mukunda nu enya fami yaye, nu athu muawendji nawo njila imoshi, nu athu muana khala nawo inzo imoshi, nga athu wana longesa Biblia. Guhaga ndo ima ha fundo athu adi naye gukhala.

ATHU ADIHANYI HA GUTSHITA MUDIMO Gula watshigina gutshita mudimo wa gulondega fundo dietu dia asamble, tudi gugutoga ha guhana jina diaye gu biro diana tala ndaga jia athu adihanyi ha gutshita mudimo.